قازاقستان قورعانىس مينيسترلىگى كاسپي تەڭىزىندەگى وقۋ-جاتتىعۋ كەزىندە قازا تاپقان اسكەري قىزمەتشىلەردىڭ ءتىزىمىن جاريالادى. تىزىمدە بارلىعى 12 ادام بار — اعا لەيتەنانت جانە 11 ماتروس، دەپ حابارلايدى infohub.kz سايتى.
قازا تاپقان اسكەري قىزمەتشىلەردىڭ ەسىمدەرى:
اعا لەيتەنانت مۇحتار ۇلى ولجاس
ماتروس اياپبەرگەن سەرجان تالعات ۇلى
ماتروس ءومىرزاق ومىربەك ءومىربولات ۇلى
ماتروس كوبەنوۆ الماس جۋسيپۋلى
ماتروس تولەگەن اقىلبەك قابدەن ۇلى
ماتروس تەميرگالييەۆ جەنيس تلەۋشەۆيچ
ماتروس بەرديحانوۆ مەيرامبەك ەرمۇحان ۇلى
ماتروس جاناباي اسەت سامات ۇلى
ماتروس ماديحان ازامات بولاتبەك ۇلى
ماتروس بەگەي داستان نۇربول ۇلى
ماتروس گيلاج اقجايىق بولاتبەك ۇلى
ماتروس ديحانبايەۆ ولجاس ءتاجىباي ۇلى
كاسپيدە نە بولدى. 24 قىركۇيەكتە كاسپي تەڭىزى جاعالاۋىندا اسكەري-تەڭىز كۇشتەرىنىڭ وقۋ-جاتتىعۋى كەزىندە اۋا رايى كۇرت ناشارلاپ، جەل كۇشەيدى. اسكەري قىزمەتشىلەردى تەڭىزگە الىپ كەتتى. ماڭعىستاۋ وبلىسى اكىمدىگىنىڭ ناقتىلانعان دەرەكتەرى بويىنشا، سۋعا 17 ادام تۇسكەن: 12 ادام قازا تاپتى، ۇشەۋى قۇتقارىلدى، تاعى ەكەۋىن ىزدەۋ جالعاسۋدا.
پرەمەر-مينيستردىڭ ورىنباسارى قانات بوزىمبايەۆ باسقارعان ۇكىمەتتىك كوميسسيا وقيعا ورنىندا جۇمىس ىستەۋدە. ول ىزدەۋ جۇمىستارىن تاۋلىك بويى جۇرگىزۋدى جانە قازا تاپقانداردىڭ وتباسىلارىنا كومەك كورسەتۋدى تاپسىردى. تراگەديانىڭ ءمان-جايىن تەرگەۋشىلەر انىقتاۋدا: اسكەريلەردىڭ قازا بولۋى فاكتىسى بويىنشا قىلمىستىق ءىس قوزعالدى.
پرەزيدەنت قاسىم-جومارت توقايەۆ 25 قىركۇيەكتى جالپىۇلتتىق ازا تۇتۋ كۇنى دەپ جاريالادى.
بۇعان دەيىن «كۋرسيۆ» تراگەديادان امان قالعان اسكەريلەردىڭ ءبىرىنىڭ جاعدايى تۋرالى جازعان بولاتىن.