ماڭعىستاۋ وبلىسىندا قازاقستان رەسپۋبليكاسى قارۋلى كۇشتەرىنىڭ اسكەري-تەڭىز كۇشتەرىنىڭ وقۋ-جاتتىعۋى كەزىندە قايعىلى جاعداي ورىن الدى: كاسپي تەڭىزىنىڭ جاعالاۋىندا وقۋ-جاۋىنگەرلىك تاپسىرمانى ورىنداۋ بارىسىندا اۋا رايىنىڭ كۇرت ناشارلاۋى مەن جەلدىڭ كۇشەيۋى سالدارىنان اسكەري قىزمەتشىلەردى اشىق تەڭىزگە اعىزىپ اكەتتى. الدىن الا مالىمەتتەرگە قاراعاندا، توعىز ادام قازا تاپتى، دەپ حابارلايدى infohub.kz سايتى.
وقيعا ورنىنان بەينەجازبانى اقتاۋ تۇرعىنى، بلوگەر ازامات سارسەنبايەۆ جاريالادى. كادرلاردا وقيعا وربىگەن ايماق بەينەلەنگەن.
قورعانىس مينيسترلىگىنىڭ مالىمەتىنشە، تەڭىزگە 19 اسكەري قىزمەتشى اعىزىلىپ كەتكەن. قازىرگى تاڭدا ولاردىڭ توعىزىنىڭ قازا تاپقانى راستالدى. ۇشەۋى قۇتقارىلدى، قۇتقارىلعانداردىڭ بىرەۋى اۋرۋحاناعا جات قىزىلدى. قالعاندارىن ىزدەۋ جالعاسۋدا.
باس پروكۋراتۋرا اقتاۋ گارنيزونىندا وقۋ-جاتتىعۋ كەزىندە اسكەري قىزمەتشىلەردىڭ قازا تابۋى فاكتىسى بويىنشا قىلمىستىق ءىس قوزعالىپ، تەرگەلىپ جاتقانىن حابارلادى.