قازاقستاندا كاسپي تەڭىزىنىڭ اكۆاتورياسىندا جاڭا ارالدىڭ پايدا بولۋى تىركەلدى. Caspian Holiday كومپانياسىنىڭ نەگىزىن قالاۋشى ەربولات مۇقاشوۆتىڭ ايتۋىنشا، بۇل تابيعي قۇبىلىس سۋ دەڭگەيىنىڭ تومەندەۋىنە بايلانىستى، دەپ حابارلايدى infohub.kz سايتى.
ەربولات مۇقاشوۆتىڭ سوزىنشە، كاسپي تەڭىزىنىڭ سولتۇستىك بولىگىندە، اتاپ ايتقاندا كاسپي يتبالىقتارى مەكەندەيتىن ارالدار اۋدانىندا (قۇلالى، مورسكوي، سۆياتوي، پودگورنىي، ءۇشارال، ماياقشىققان، دولگي) تەڭىز دەڭگەيىنىڭ تومەندەۋى سالدارىنان سوڭعى 4-5 جىلدا جاڭا قۇرلىق ۋچاسكەلەرى قالىپتاسا باستادى.
«جاقىندا پايدا بولعان ارالداردىڭ ءبىرى — رىباچي، سۆياتوي ارالىنىڭ شىعىسىندا ورنالاسقان. جاڭا ارال سۆياتوي ارالىنان شامامەن 500 مەتر شىعىستا جانە باۋتينو اۋىلىنان شامامەن 30 شاقىرىم جەردە»، — دەدى ول.
كومپانيا نەگىزىن قالاۋشى ارالداردىڭ نەگىزگى تۇرعىندارى قاسقىرلار ەكەنىن اتاپ ءوتتى. سونداي-اق مۇندا جابايى قاباندار مەن بورسىقتار كەزدەسەدى. جاعالاۋ سۋلارى مەن ارالداردا بالىقتار مەن قۇستاردىڭ ءارتۇرلى تۇرلەرى مەكەندەيدى.
«ارالعا ماڭعىستاۋداعى كاسپي تەڭىزىن قورعاۋشى، ەكولوگ-ساراپشى دانيار اكيمجانوۆتىڭ كومەگىمەن بارۋ مۇمكىن بولدى. بۇل اۋماق ءوزىنىڭ تاڭعاجايىپ جانە كوركەم تابيعاتىمەن ەرەكشەلەنەدى»، — دەدى ەربولات مۇقاشوۆ.
ارالدى قۇس ۇشۋى بيىكتىگىنەن تۇسىرۋگە مۇمكىندىك تۋدى.