قازاقستان پرەمەر-ليگاسىنىڭ 19-تۋرىندا اقتاۋلىق «كاسپي» استانانىڭ «جەنيسىن» 3:2 ەسەبىمەن ۇتتى، دەپ حابارلايدى infohub.kz.
ويىن قىزىلورداداعى «قايسار ارەناسىندا» ءوتىپ، اقتاۋلىقتار نومينالدى الاڭ يەلەرى بولدى. ءبىرىنشى گولدى 9-مينۋتتا «كاسپي» ساپىنداعى قازاقستاندىق قورعاۋشى اماندىق نابيحانوۆ سوقتى. 22-مينۋتتا «جەنيستىڭ» برازيليالىق جارتىلاي قورعاۋشىسى گيان دۋش سانتۋش مارتينش ەسەپتى تەڭەستىردى. سەگىز مينۋتتان كەيىن «كاسپي» ساپىنداعى پورتۋگاليالىق قورعاۋشى اندرە امارال ءوز كومانداسىن قايتا العا شىعاردى. ەكىنشى تايمدا، 52-مينۋتتا، الاڭ يەلەرىنىڭ قازاقستاندىق شابۋىلشىسى رامازان ابىلايحان اقتاۋلىقتاردىڭ باسىمدىعىن ارتتىردى. كەيىن «جەنيستىڭ» وتاندىق قورعاۋشىسى ساعادات تۇرسىنباي ءبىر دوپتى قايتارىپ، ەسەپتى قىسقارتتى. كەزدەسۋدىڭ سوڭىندا ەلوردالىق كوماندا ازدىقتا قالدى: تىكەلەي قىزىل قاعاز العان ويىنشىلار – قازاقستاندىق يسلامبەك قۋات جانە بوسنيالىق يۆان ساراۆانيا.
بۇل جەڭىس «كاسپيگە» 21 ۇپاي جيناپ، تۋرنير كەستەسىندە ونىنشى ورىنعا كوتەرىلۋگە مۇمكىندىك بەردى. 19 تۋردان كەيىن 22 ۇپاي جيناعان «جەنيس» توعىزىنشى ساتىدا تۇر.