قازاقستاننىڭ كاسساسيالىق سوتى الاياقتىق تۋرالى ءىس بويىنشا سوت اكتىلەرىن وزگەرتتى: پارانىڭ زاتى رەتىندە الىنعان 27 ملن تەڭگە مەملەكەت كىرىسىنە ءوندىرىلدى، ال جابىرلەنۋشىلەر مارتەبەسى مەن شىعىندى وتەتۋ قۇقىعىنان ايىرىلدى، دەپ حابارلايدى infohub.kz سايتى.
ءىس ماتەريالدارىنا سايكەس، زاڭگەرلىك قىزمەت كورسەتۋ كەزىندە پ. ەسىمدى ازاماتشا ەكى ادامنان 7 ملن جانە 20 ملن تەڭگە الىپ، ول قاراجاتتى لاۋازىمدى تۇلعالارعا ولاردىڭ ماسەلەلەرىن وڭ شەشۋ ءۇشىن بەرمەك بولعان. اقشانى بەرۋ نيەتى بولماعان سوتتالعان ايەل ونى الداۋ جانە سەنىمدى تەرىس پايدالانۋ جولىمەن يەمدەنىپ العان.
ءبىرىنشى ساتىداعى سوت پ-نى اسا ءىرى مولشەردە الاياقتىق جاساعانى جانە پارا بەرۋگە ايداپ سالعانى ءۇشىن 7 جىلعا باس بوستاندىعىنان ايىرىپ، ەكى ازاماتتىڭ پايداسىنا كەلتىرىلگەن ماتەريالدىق شىعىندى ءوندىردى. اپەللياسيالىق ساتى ۇكىمدى وزگەرىسسىز قالدىردى.
كاسساسيالىق سوت جەرگىلىكتى سوتتاردىڭ سوتتالعاننىڭ كىنالىلىگى، ونىڭ ارەكەتتەرىنىڭ سارالانۋى جانە تاعايىندالعان جازا تۋرالى تۇجىرىمدارىن نەگىزدى دەپ تانىدى. الايدا اقشا قاراجاتىن يەلىكتەن شىعارۋعا قاتىستى سوت اكتىلەرى وزگەرتىلدى.
ۆەدومستۆو اتاپ وتكەندەي، سوت ەكى ازاماتتىڭ اقشانى ونىڭ كەيىن پارا بەرۋگە ارنالعانىن بىلە تۇرا ءوز ەركىمەن بەرگەنىن انىقتادى. سوندىقتان كاسساسيالىق سوت ولاردىڭ جابىرلەنۋشى جانە ازاماتتىق تالاپ قويۋشى رەتىندەگى قاتىسۋىن توقتاتىپ، ولاردىڭ پايداسىنا ماتەريالدىق شىعىندى ءوندىرۋدى جويدى.
27 ملن تەڭگەنىڭ پارانىڭ زاتى بولعانىن ەسكەرە وتىرىپ، جوعارعى سوتتىڭ 2015 جىلعى 27 قاراشاداعى № 8 نورماتيۆتىك قاۋلىسىنىڭ 29-تارماعىنا سايكەس، ەگەر پارانىڭ زاتى تابىلماسا، ونىڭ قۇنى زاڭسىز يەمدەنىلگەن م ۇلىك رەتىندە مەملەكەت كىرىسىنە وندىرىلۋگە جاتادى، دەپ ءتۇسىندىردى سوت. وسىعان بايلانىستى سوتتالعان ايەلدەن 27 ملن تەڭگە سوماسىنداعى پارانىڭ زاتى مەملەكەت كىرىسىنە ءوندىرىلدى.