الماتىلىق «قايرات» قازاقستان پرەمەر-ليگاسىنىڭ 18-تۋرىندا «اتىراۋ»دى سىرت الاڭدا ۇتتى، دەپ حابارلايدى infohub.kz سايتى.
ماچ «تۇركىستان ارەناسىندا» ءوتىپ، اتىراۋلىقتار الاڭ يەسى بولدى، ءبىراق «قايرات» 3:1 ەسەبىمەن جەڭىسكە جەتتى.
ەسەپ ءبىرىنشى تايمنىڭ 8-مينۋتىندا اشىلدى: «اتىراۋ»دىڭ حورۆات قورعاۋشىسى فرانو پرسە دوپتى ءوز قاقپاسىنا باعىتتادى. ءبىرىنشى تايمنىڭ ورتاسىنا قاراي برازيليالىق شابۋىلشى ەدميلسون دۋبل جاسادى.
ەكىنشى تايمدا باتىس قازاقستان كومانداسى ءبىر گولدى قايتارا الدى: برازيليالىق شابۋىلشى ەنريكە 70-مينۋتتا ەرەكشەلەندى.
بۇل جەڭىس الماتىلىقتارعا 42 ۇپاي جيناپ، چەمپيوناتتا قايتادان ءبىرىنشى ورىنعا شىعۋعا مۇمكىندىك بەردى. «اتىراۋ» 18 ۇپايمەن قپل تۋرنيرلىك كەستەسىندە 11-ورىنعا ءتۇستى.