ارگەنتينالىق جارتىلاي قورعاۋشى سەباستيان سەبالوس «قايرات» فۋتبول كلۋبىنان كەتتى، دەپ حابارلايدى infohub.kz سايتى.
25 جاستاعى ويىنشىمەن ىنتىماقتاستىق تاراپتاردىڭ ءوزارا كەلىسىمىمەن توقتاتىلدى. سەبالوس قاڭتار ايىندا «قايراتقا» اۋىسىپ، 2027 جىلدىڭ سوڭىنا دەيىن كەلىسىمشارتقا قول قويعان ەدى. ول كلۋب تاريحىنداعى تۇڭعىش ارگەنتينالىق لەگيونەر بولدى. بىرنەشە اي ىشىندە 11 ويىن وتكىزىپ، ءبىر گولدىق پاس بەردى.
«فك „قايرات“ سەباستياندى كوماندانىڭ جەتىستىكتەرىنە قوسقان ۇلەسى ءۇشىن العىس ءبىلدىرىپ، بولاشاق مانسابىنا ساتتىلىك تىلەيدى!» — دەلىنگەن كلۋب حابارلاماسىندا.
سەبالوستىڭ مانسابىن قايدا جالعاستىراتىنى تۋرالى ازىرگە رەسمي اقپارات جوق. ونىڭ ترانسفەرلىك قۇنى 400 مىڭ ەۋروعا باعالانۋدا.
بۇعان دەيىن «قايرات» پورتۋگاليالىق جارتىلاي قورعاۋشى گۋستاۆو مەندونسانىڭ اۋىسقانىن حابارلاعان بولاتىن.