اباي وبلىسىنداعى اقتوعاي كەن ورنىنىڭ №1 بايىتۋ فابريكاسىندا توتەنشە جاعداي بولىپ، 20 ادام ەۆاكۋاسيالاندى، دەپ حابارلايدى infohub.kz سايتى.
KAZ Minerals كومپانياسىنىڭ مالىمەتىنشە، وقيعا 9 تامىزدا ساعات 12:00 شاماسىندا جوعارى قىسىمدى بىلىكتى ۇساقتاعىش ۋچاسكەسىندە جوسپارلى-الدىن الۋ جوندەۋى كەزىندە بولعان. العاشقى ءورت وشاعى گروحوت ماڭىندا انىقتالعان. ۋچاسكەدە مەردىگەر ۇيىمنىڭ قىزمەتكەرلەرى جۇمىس ىستەگەن.
كومپانيانىڭ ءباسپاسوز قىزمەتىندە زارداپ شەككەندەر جوق ەكەنىن، سونداي-اق تۇتىنگە بايلانىستى وتىنىشتەر تۇسپەگەنىن اتاپ ءوتتى. وندىرىستىك ۋچاسكەدەن 20 ادام ەۆاكۋاسيالاندى. اشىق جانۋ دەرەۋ جويىلىپ، تۇتىندەۋ مەن جانۋ قالدىقتارى جوق. كورشىلەس عيماراتتارعا، كونۆەيەرلەرگە جانە باسقا دا وندىرىستىك ۋچاسكەلەرگە ءقاۋىپ جوق؛ ەكولوگيالىق زارداپتار جوق.
وقيعانىڭ سەبەپتەرى ءالى انىقتالۋدا. تەرگەۋ ءۇشىن ارنايى كوميسسيا قۇرىلىپ، مەملەكەتتىك ورگاندارعا حابارلاندى.
KAZ Minerals سونىمەن قاتار ماتەريالدىق زالالدىڭ مولشەرىن جانە وقيعانىڭ جوندەۋ مەرزىمى مەن وندىرىسكە ىقتيمال اسەرىن ناقتىلاپ جاتىر.
ەكىنشى بايىتۋ فابريكاسى مەن توتىققان كەندى وڭدەۋ كەشەنى قالىپتى رەجيمدە جۇمىس ىستەپ تۇر.
بۇعان دەيىن «كۋرسيۆ» شىعىس قازاقستان وبلىسىنداعى KAZ Minerals كومپانياسىنا تيەسىلى «ۆوستوكسۆەتمەت» ج ش س ارتەمەۆسك شاحتاسىنداعى قايعىلى وقيعا تۋرالى جازعان بولاتىن. تاۋ جىنىسىنىڭ قۇلاۋى سالدارىنان ءبىر جۇمىسشى قازا تاپتى.