قازاقستاننىڭ جىلجىمايتىن م ۇلىك نارىعىندا ەرەكشە حابارلاندىرۋ پايدا بولدى. شىعىس قازاقستان وبلىسىندا 22،5 گەكتار اۋماقتى تۇتاس ارال ساتىلىمعا شىقتى. ونىڭ باعاسى – 10 ميلليون دوللار، دەپ حابارلايدى infohub.kz.
حابارلاندىرۋ جەرگىلىكتى جۋرناليستەردىڭ نازارىن اۋداردى. ونى حالىقارالىق جىلجىمايتىن م ۇلىك اگەنتتىگىنىڭ نەگىزىن قالاۋشى جاريالاعان. ارالدىڭ ناقتى ورنى اشىق كورسەتىلمەگەن – تولىق اقپارات تەك الەۋەتتى ينۆەستورلارعا عانا بەرىلەدى. جەر جەكە مەنشىكتە جانە ءبىرىڭعاي ينۆەستيسيالىق جوبا رەتىندە قاراستىرىلادى.
– بۇل تانىمال نىسان جاساۋعا ارنالعان ورىن: ەليتالىق دەمالىس ورنى، جابىق كلۋب نەمەسە ءىرى تۋريستىك كەشەن سالۋعا مۇمكىندىك بار. ۇلكەن سۋ ايدىنى، جەكە كەڭىستىك، تابيعي لاندشافت جانە دامۋ الەۋەتى بار، – دەلىنگەن حابارلاندىرۋدا.
مۇنداي ۇسىنىستار ايماقتا بۇرىن دا بولعان. 2020 جىلى بۇقتىرما سۋ قويماسىندا قازدار ارالى ساتىلىمعا قويىلعان بولاتىن. سوندا جەرگىلىكتى بيلىك اۋماقتىڭ جەكە مەنشىكتە ەكەنىن تۇسىندىرگەن. 1990-جىلدارى بۇل جەر جەكە تۇلعاعا جالعا بەرىلىپ، 2007 جىلى ونىڭ مەنشىگىنە وتكەن.