قازاقستان 2027 جىلعا ارنالعان اۋقىمدى جەر قويناۋى اۋكسيوندارىن دايىنداپ جاتىر، دەپ حابارلايدى infohub.kz.
ق ر ونەركاسىپ جانە قۇرىلىس مينيسترلىگىنىڭ مالىمەتىنشە، قازاقستان 2027 جىلدان باستاپ مەملەكەتتىك گەولوگيالىق زەرتتەۋ (مگز) باعدارلاماسى اياسىندا دايىندالعان جەر قويناۋىنىڭ جاڭا پەرسپەكتيۆالى ۋچاسكەلەرىن ينۆەستيسيالىق اۋكسيوندارعا شىعارا باستايدى.
بۇل تۋرالى مينيستر ەرسايىن ناعاسپاەۆتىڭ ۇلىتاۋ وبلىسىنا جۇمىس ساپارى بارىسىندا بەلگىلى بولدى. مەملەكەت ءتاسىلدى وزگەرتۋدە: ينۆەستورلارعا جاي عانا بوس اۋماقتار ەمەس، دايىن، ەگجەي-تەگجەيلى ازىرلەنگەن ەلەكتروندىق دەرەكتەر ءماسسيۆى بار ۋچاسكەلەر ۇسىنىلاتىن بولادى.
بيىل ەلدىڭ 20 ۋچاسكەسىندە 1:50 000 ماسشتابتاعى گەولوگيالىق ءتۇسىرىلىم (گت-50) جۇمىستارى باستالدى. قامتىلعان اۋماقتىڭ جالپى اۋدانى 100 مىڭ شارشى شاقىرىمنان اسادى، جوبالار 11 وڭىردە جۇزەگە اسىرىلۋدا. ۇلىتاۋ وبلىسىندا 7 ۋچاسكە شەگىندە 36 مىڭ شارشى شاقىرىم اۋماقتا كەشەندى گەولوگيالىق زەرتتەۋلەر جۇرگىزىلۋدە.
مۇندا كەشەندى زەرتتەۋلەر جالپى اۋدانى 36 000 شارشى شاقىرىمدى قۇرايتىن 7 اۋماقتى قامتيدى. ۇلىتاۋ جانە اباي وبلىستارىندا ماماندار 300-گە جۋىق ۇڭعىما بۇرعىلادى.
ساپالى دەرەكتەردى جيناۋ ءۇشىن «ۇلتتىق گەولوگيالىق قىزمەت» اق ۇيلەستىرۋىمەن گەولوگيالىق بارلاۋ كومپانيالارىنىڭ توبى قۇرىلدى. «Kazakhmys Barlau» ج ش س ۇلىتاۋدا اەروماگنيتتىك ءتۇسىرىلىم، اەروگراۆيمەتريا جانە اەروگامما-سپەكترومەتريانى قوسا العاندا، وزىق زەرتتەۋلەر جۇرگىزۋدە. «كازگەولوگيا» اق («تاۋ-كەن سامۇرىق» قۇرامىندا) دەرەكتەردىڭ ۇزدىكسىزدىگىن ونلاين باقىلاۋ ءۇشىن جوعارى دالدىكتى RTK-ناۆيگاسياسى بار ۇشقىشسىز كەشەندەردى پايدالانادى. Ionic Leach سياقتى وزىق جوعارى دالدىكتى گەوحيميالىق ءادىس قولدانىلادى.
سونىمەن قاتار، جەر قويناۋىنىڭ ءبىرىڭعاي سيفرلىق كاداسترى قۇرىلۋدا. ءاربىر پەرسپەكتيۆالى ۋچاسكە ءوزىنىڭ سيفرلىق پاسپورتىن الادى، بۇل ينۆەستورلارعا گەولوگيالىق اقپاراتقا جىلدام جانە اشىق قول جەتكىزۋدى قامتاماسىز ەتەدى.