قازاقستاندىق اۋە تاسىمالداۋشىلار Air Astana جانە FlyArystan دۋبايعا رەيستەردى توقتاتۋدى تاعى دا ۇزارتتى، دەپ حابارلايدى infohub.kz سايتى.
FlyArystan اقتاۋ – دۋباي – اقتاۋ باعىتى بويىنشا رەيستەردىڭ ۋاقىتشا توقتاتىلۋىن 2026 جىلدىڭ 30 قىركۇيەگىنە دەيىن ۇزارتاتىنىن حابارلادى. بۇل شەشىم تاياۋ شىعىستاعى تۇراقسىز جاعدايعا بايلانىستى قابىلداندى. بۇعان دەيىن تاسىمالداۋشى رەيستەردى 15 قىركۇيەككە دەيىن توقتاتاتىنىن مالىمدەگەن ەدى.
قازىرگى ۋاقىتتا اقتاۋ – دۋباي – اقتاۋ باعىتى بويىنشا بيلەتتەر قىسقى كەستە اياسىندا 3 قازاننان باستاپ قولجەتىمدى. ءارى قارايعى وزگەرىستەر تۋرالى قوسىمشا حابارلاناتىن بولادى.
توقتاتىلعان رەيستەردىڭ جولاۋشىلارىنا كەيىنىرەك كۇنگە تەگىن قايتا برونداۋ نەمەسە ساتىپ الۋ ورنى بويىنشا ايىپپۇلسىز بيلەت قۇنىن تولىق قايتارۋ ۇسىنىلادى.
Air Astana ءوز كەزەگىندە پارسى شىعاناعى ايماعىنداعى تۇراقسىزدىققا بايلانىستى الماتى مەن استانادان دۋبايعا رەيستەردىڭ توقتاتىلۋىن 2026 جىلدىڭ 30 قىركۇيەگىنە دەيىن ۇزارتادى. قازان ايىنا بۇل باعىتتار بويىنشا كەستە رەيس جيىلىگىن قىسقارتۋمەن تۇزەتىلدى.
توقتاتىلعان رەيستەردىڭ جولاۋشىلارىنا سول برونداۋ كلاسىندا 2026 جىلدىڭ 20 قاراشاسىنا دەيىنگى رەيستەرگە تەگىن قايتا برونداۋ ۇسىنىلادى. سونداي-اق ساتىپ الۋ ورنى بويىنشا بيلەت قۇنىن تولىق قايتارۋعا نەمەسە Air Astana-نىڭ باسقا حالىقارالىق باعىتتارىنا بيلەتتى تەگىن اۋىستىرۋعا بولادى، تاريف ايىرماشىلىعى بولعان جاعدايدا ول تولەنەدى.