قازاقستاندا اۆتوكرەديت بەرۋ كەزىندەگى بورىشتىق جۇكتەمە كوەففيسيەنتىن الىپ تاستاۋ جوسپارلانۋدا. بۇل نەسيەگە كولىك ساتىپ الۋدى جەڭىلدەتەدى، دەپ حابارلايدى Orda.kz.
ونەركاسىپ جانە قۇرىلىس ءمينيسترى ەرسايىن ناگاسپايەۆ اۆتوكرەديتتەۋ شارتتارىن وزگەرتۋ جانە جەكە تۇلعالارعا ليزينگتى دامىتۋ نيەتىن جاريالادى. ۆەدومستۆو بورىشتىق جۇكتەمە كوەففيسيەنتىن الىپ تاستاۋ، ازاماتتاردىڭ اۆتوليزينگكە قولجەتىمدىلىگىن كەڭەيتۋ، سونداي-اق ەلەكترلىك جانە گيبريدتى كولىككە ەرەكشە كوڭىل ءبولۋدى قاراستىرۋدا. زارياد ستانسيالارىنىڭ جەلىسىن دامىتۋ جانە ۇشقىشسىز اۆتوموبيلدەردى پايدالانۋ ءۇشىن جاعداي جاساۋ جوسپارلانۋدا.
«بۇل وتاندىق وندىرۋشىلەر مەن يمپورتتاۋشىلار ءۇشىن تەڭ جانە اشىق باسەكەلەستىك جاعدايىن قالىپتاستىرۋعا، سونداي-اق زاڭسىز سحەمالاردىڭ قولدانىلۋىن بولدىرماۋعا مۇمكىندىك بەرەدى»، — دەپ مالىمدەدى مينيستر ۇكىمەت وتىرىسىندا.
مينيسترلىك سونداي-اق ماشينالار يمپورتىن باقىلاۋدى كۇشەيتۋدى جانە اۆتوموبيلدەردى تەحنيكالىق تالاپتارعا سايكەستىگىنە تولىق سيكلدى سىناۋ ءۇشىن جەكە زەرتحانالىق بازا قۇرۋدى كوزدەپ وتىر. بۇل جاڭا مودەلدەردىڭ نارىققا شىعۋىن جەدەلدەتەدى.