قازاقستاندا شىلدە ايىنىڭ ءۇش اپتاسىندا الەۋمەتتىك ماڭىزى بار ازىق-ت ۇلىك تاۋارلارىنىڭ ورتاشا باعا يندەكسى 0،1%-عا تومەندەدى، دەپ حابارلايدى infohub.kz سايتى.
ساۋدا مينيسترلىگىنىڭ دەرەگىنشە، سوڭعى اپتادا قىزاناق 15،1%-عا، قيار 18،2%-عا، ءسابىز 5،2%-عا، جۇمىرتقا 2،4%-عا ارزانداعان. ال ەتتىڭ كەيبىر تۇرلەرىنىڭ باعاسى ءوسىپ جاتىر: قوي ەتى 2%-عا، جىلقى ەتى 1،3%-عا، تارتىلعان ەت 0،6%-عا قىمباتتادى.
وسىعان بايلانىستى پرەمەر-مينيستردىڭ ورىنباسارى سەرىك جۇمانعارين ەت جانە ەت ونىمدەرى نارىعىن ءوندىرىس كولەمى، ىشكى تۇتىنۋ جانە ەكسپورتتىق جەتكىزىلىمدەردى ەسكەرە وتىرىپ، تەرەڭ تالداۋ جۇرگىزۋدى تاپسىردى. ول سونداي-اق مەملەكەتتىك ورگاندار مەن اكىمدىكتەرگە نارىق قاتىسۋشىلارىمەن نىسانالى جۇمىس جۇرگىزۋدى مىندەتتەدى.
«باعانىڭ ايتارلىقتاي وسكەن ءاربىر جاعدايىندا جەتكىزۋ تىزبەگىنىڭ بۇكىل ۇزىندىعىنا تالداۋ جاساپ، قىمباتتاۋدىڭ سەبەپتەرىن جويۋ قاجەت. ءتيىستى مينيسترلىكتەر مەن اكىمدىكتەرگە ءىرى كوتەرمە جەتكىزۋشىلەر مەن يمپورتتاۋشىلارمەن كەزدەسۋلەر وتكىزۋدى، بار كەدەرگىلەردى انىقتاۋدى جانە ولاردىڭ باعا تۇراقتىلىعىن قامتاماسىز ەتۋ بويىنشا قارسى مىندەتتەمەلەر قابىلداۋىمەن مەملەكەتتىك قولداۋدىڭ قاجەتتى شارالارىن ازىرلەۋدى تاپسىرامىن. ءدال وسىنداي جۇيەلى جۇمىستى ازىق-ت ۇلىك ەمەس تاۋارلار مەن اقىلى قىزمەتتەرگە دە ءتيىستى نارىقتاردىڭ ەرەكشەلىكتەرىن ەسكەرە وتىرىپ ۇيىمداستىرۋ قاجەت. ءاربىر مەملەكەتتىك ورگان ءوز قۇزىرەتى شەگىندە شارالاردى ىسكە اسىرۋدى قامتاماسىز ەتۋى كەرەك»، — دەدى جۇمانعارين.
باعانى ودان ءارى تۇراقتاندىرۋ ءۇشىن ۇكىمەت وتاندىق وندىرۋشىلەرگە قولداۋدى ارتتىرۋدى، نان ءوندىرۋشى كاسىپورىندارعا ەلەكتر ەنەرگياسىنا جەڭىلدىكتى تاريفتەر ەنگىزۋدى جانە ەل ىشىندە الەۋمەتتىك ماڭىزى بار ونىمدەردى تەمىرجول كولىگىمەن تاسىمالداۋعا 70% جەڭىلدىك بەرۋدى جوسپارلاپ وتىر.
بۇعان دەيىن قازاقستاندىقتاردى ەت باعاسىنىڭ كۇرت ءوسۋى تۋرالى ەسكەرتكەن بولاتىن.