قازاقستاندا «دايۆينچيك تانىسۋ» Telegram-ارناسىنا تىيىم سالۋ تۋرالى شەشىم قابىلداندى. بۇل اقپاراتتى الماتى قالالىق سوتتارىنىڭ ءباسپاسوز قىزمەتى راستادى، دەپ حابارلايدى infohub.kz.
بۇعان دەيىن الماتى پروكۋراتۋراسى بۇل Telegram-ارنانىڭ جاس شەكتەۋىنسىز جۇمىس ىستەپ، كامەلەتكە تولماعانداردىڭ قاۋىپسىزدىگىنە قاتەر توندىرەتىنىن انىقتاعان. وسىعان بايلانىستى پروكۋراتۋرا سوتقا اتالعان رەسۋرستىڭ جۇمىسىن زاڭسىز دەپ تانۋ جانە ونىڭ قازاقستان رەسپۋبليكاسى اۋماعىنداعى قىزمەتىنە تىيىم سالۋ تۋرالى تالاپ قويعان.
بۇگىن ءىرى Telegram-ارنا Baza قازاقستاندا بۇل ارناعا تىيىم سالىنعانىن حابارلادى. جاريالانىمدا الماتى قالاسىنىڭ الاتاۋ اۋداندىق سوتى بۇل سەرۆيستى جاسوسپىرىمدەرگە ءقاۋىپتى دەپ تاۋىپ، پايدالانۋشىلاردىڭ جاسىن ەشقانداي تەكسەرمەيتىنىن اتاپ وتكەن. بۇل بوتقا تىيىم سالۋدىڭ باستى دالەلى بولعان.
NUR.KZ ءتىلشىسى الماتى قالالىق سوتىنىڭ ءباسپاسوز قىزمەتىنە ارناعا تىيىم سالۋ تۋرالى اقپاراتقا تۇسىنىكتەمە سۇراپ، رەسمي ساۋال جولداعان. ءباسپاسوز قىزمەتى ءىستىڭ الاتاۋ اۋداندىق سوتىندا قارالعانىن جانە سوت شەشىمى زاڭدى كۇشىنە ەنگەنىن ايتىپ، اقپاراتتى راستاعان.