Air Astana دۋبايعا رەيستەرىن ۋاقىتشا توقتاتادى. اۋەكومپانيا بۇل شەشىمدى ورمۋز بۇعازىنداعى جانە ايماقتاعى جاعدايدىڭ ناشارلاۋىمەن بايلانىستىردى، دەپ حابارلايدى Orda.kz.
رەيستەر 21 شىلدەدەن 31 تامىزعا دەيىن توقتايدى. 21 شىلدەگە دەيىن ۇشاقتار جولاۋشىلاردى شىعارۋ ءۇشىن كەستە بويىنشا ۇشادى.
جولاۋشىلارعا بيلەت قۇنىن ساتىپ العان جەرىنەن تولىق قايتارۋ ۇسىنىلدى. سونداي-اق بيلەتتى كەيىنگى كۇنگە تەگىن اۋىستىرۋ نەمەسە Air Astana-نىڭ باسقا حالىقارالىق باعىتىن تاڭداۋعا بولادى.
بۇعان دەيىن قازاقستان سىرتقى ىستەر مينيسترلىگى تاياۋ شىعىسقا ساپار شەگۋدەن باس تارتۋدى ۇسىنعان بولاتىن.