اتىراۋ جانە ماڭعىستاۋ وبلىستارىنداعى جەر قويناۋى ۋچاسكەلەرىن العان قىتايلىق Kazakhstan FengYuanXinMao Energy Ltd. مۇناي-گاز كومپانياسى 2025 جىلدىڭ قورىتىندىسى بويىنشا تازا شىعىنىن ءۇش ەسەدەن استامعا ارتتىردى، دەپ حابارلايدى infohub.kz سايتى.
قارجىلىق ەسەپتىلىككە سايكەس، كومپانيانىڭ شىعىنى ءبىر جىل بۇرىنعى 388،5 ملن تەڭگەمەن سالىستىرعاندا 1،35 ملرد تەڭگەنى قۇرادى. شىعىنداردىڭ نەگىزگى بولىگىن اكىمشىلىك شىعىندار، قارجىلاندىرۋ بويىنشا شىعىستار جانە ۇزاق مەرزىمدى قارىزداردى قايتا باعالاۋ قۇرادى.
كومپانيا 2024 جىلدىڭ ساۋىرىندە استانادا تىركەلگەن. ونىڭ جالعىز قاتىسۋشىسى — Glory Road Trading Limited، ال تۇپكىلىكتى باقىلاۋشى تۇلعا رەتىندە جۇڭگو ازاماتى چجان حۋنچجي كورسەتىلگەن. ديرەكتور لاۋازىمىن قحر ازاماتى ليۋ پەن اتقارادى.
Kazakhstan FengYuanXinMao Energy كومىرسۋتەكتەردى بارلاۋ جانە ءوندىرۋ، سونداي-اق مۇناي مەن گاز ءوندىرۋ سالاسىندا جۇمىس ىستەيدى. 2024 جىلى كومپانيا ءۇش ۋچاسكەگە التى جىل مەرزىمگە بارلاۋ جانە ءوندىرۋ كونتراكتىلەرىن الدى: اتىراۋ وبلىسىنداعى تاسشاعىل، سونداي-اق ماڭعىستاۋ وبلىسىنداعى كەندالا سولتۇستىك جانە كەندالا وڭتۇستىك.
ەسەپتىلىكتەن كومپانيانىڭ ساتۋدان ءتۇسىم ءالى تۇسپەيتىنى كورىنىپ تۇر. 2025 جىلى ءونىم مەن قىزمەتتەردى ساتۋدان تۇسكەن كىرىستەر بولمادى، بۇل ءبىر جىل بۇرىنعىداي.
سونىمەن قاتار، كومپانيا گەولوگيالىق بارلاۋ جوبالارىن قارجىلاندىرۋدى جالعاستىردى. بۇعان دەيىن قوعامدىق تىڭداۋ ماتەريالدارىندا Kazakhstan FengYuanXinMao Energy 1000 پوگوندىق شاقىرىم كولەمىندە 2D-سەيسميكالىق بارلاۋ جۇرگىزۋدى جانە 18 ىزدەۋ ۇڭعىماسىن بۇرعىلاۋدى جوسپارلاپ وتىرعانى حابارلانعان.
2025 جىلدىڭ قورىتىندىسى بويىنشا كومپانيانىڭ اكىمشىلىك شىعىندارى ءبىر جىل بۇرىنعى 20،6 ملن تەڭگەدەن 282،6 ملن تەڭگەگە دەيىن ءوستى. قارجىلىق ناتيجەگە ۇزاق مەرزىمدى قارىزداردىڭ ءادىل قۇنىنىڭ وزگەرۋىنەن بولعان 1 ملرد تەڭگە كولەمىندەگى شىعىستار جانە 344،6 ملن تەڭگە كولەمىندەگى قارجىلاندىرۋ بويىنشا شىعىستار قوسىمشا قىسىم جاسادى.
وپەراسيالىق قىزمەتتىڭ بولماۋىنا قاراماستان، كومپانيا دەپوزيتتەر بويىنشا 72،9 ملن تەڭگە كىرىس جانە 212،9 ملن تەڭگە وڭ باعامدىق ايىرماشىلىق الدى. الايدا بۇل شىعىنداردى وتەۋگە جەتكىلىكسىز بولدى.
كومپانيانىڭ اتىراۋ مەن اقتاۋدا فيليالدارى بار، ولار ارقىلى قازاقستاندىق جوبالار بويىنشا جۇمىس جۇرگىزىلەدى.
بۇعان دەيىن «كۋرسيۆ» Kazakhstan FengYuanXinMao Energy Ltd. قازاقستاندا مۇناي تابۋ ءۇشىن ۇڭعىمالار بۇرعىلايتىنىن جازعان.