قازاقستان تۇرعىن ءۇي قولجەتىمدىلىگى رەيتينگىندە 115-ورىنعا يە بولدى. كورسەتكىش – 10،9، بۇل الەمدىك ورتاشا دەڭگەيدەن (11،2) جاقسى. مەدياندىق تابىسى بار ءۇي شارۋاشىلىعىنا مەدياندىق باعاداعى پاتەردى جيناۋ ءۇشىن 10،9 جىل قاجەت. مۇنداي دەرەكتى Visual Capitalist كومپانياسى بۇۇ-حابيتات بايانداماسىنا سۇيەنە وتىرىپ كەلتىردى، دەپ حابارلايدى infohub.kz.
زەرتتەۋدە اتاپ وتىلگەندەي، تۇرعىن ءۇي قولجەتىمدىلىگى ەلدىڭ جالپى بايلىعىنا ەمەس، جىلجىمايتىن م ۇلىك باعاسىنىڭ جەرگىلىكتى تابىسقا سايكەستىگىنە بايلانىستى. ءتىپتى دامىعان ەلدەردە باعا جالاقىدان جىلدام وسسە، ءۇي ساتىپ الۋ قيىنعا سوعۋى مۇمكىن، ال كەيبىر دامۋشى نارىقتار سالىستىرمالى تۇردە قولجەتىمدى بولىپ قالادى.
رەيتينگ كوشباسشىلارى – ساۋد ارابياسى جانە بىرىككەن اراب امىرلىكتەرى (كورسەتكىش 3،0)، وڭتۇستىك افريكا رەسپۋبليكاسى (3،4)، كورەي حالىق دەموكراتيالىق رەسپۋبليكاسى (3،5) جانە ومان (3،6). امەريكا قۇراما شتاتتارى 4،5 كورسەتكىشىمەن جەتىنشى ورىندا، بۇل كانادادان (9،4)، اۋستراليادان (7،5) جانە ۇلىبريتانيادان (8،3) جاقسى.
رەيتينگتىڭ ەكىنشى شەتىندە سيريا ەڭ جوعارى كورسەتكىشپەن (86،7) تۇر. سونداي-اق اۋتسايدەرلەر قاتارىندا شري-لانكا (40،8) مەن جۇڭگو (34،6) بار. وڭتۇستىك كورەيا (26)، تايلاند (24)، ۆەتنام (23،5) جانە فيليپپين (30،1) دە ەڭ از قولجەتىمدى تۇرعىن ءۇي نارىقتارىنىڭ قاتارىنا ەنەدى.
قازاقستان 115-ورىندا 10،9 كورسەتكىشىمەن گەرمانيا (10،7) مەن رۋمىنيامەن (10،9) قاتار تۇر. جاپونيا مەن اۋستريا (10،3)، سونداي-اق كونگو دەموكراتيالىق رەسپۋبليكاسى (10،6)، ورتالىق افريكا رەسپۋبليكاسى (11،1) جانە انگولا (11،2) دا جاقىن ماندەردى كورسەتتى.
زەرتتەۋ اۆتورلارى: «دەرەكتەر تۇرعىن ءۇي قولجەتىمدىلىگى ەلدىڭ جالپى بايلىعىنا ەمەس، باعانىڭ جەرگىلىكتى تابىسقا سايكەستىگىنە بايلانىستى ەكەنىن كورسەتەدى. ءتىپتى باي ەلدەردە باعا جالاقىدان جىلدام وسكەندە ءۇي ساتىپ الۋ قيىنعا سوعۋى مۇمكىن، ال كەيبىر دامۋشى نارىقتار تومەن تابىسقا قاراماستان سالىستىرمالى تۇردە قولجەتىمدى بولىپ قالادى»، – دەپ اتاپ ءوتتى.