سوڭعى اپتادا قازاقستاندا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى تومەندەدى. ەڭ ۇلكەن قۇلدىراۋ كارتوپقا تىركەلدى — بىردەن 4،2%-عا، دەپ حابارلايدى infohub.kz سايتى.
ۇلتتىق ستاتيستيكا بيۋروسىنىڭ دەرەكتەرىنە سايكەس، 5-12 تامىز ارالىعىندا الەۋمەتتىك ماڭىزى بار ازىق-ت ۇلىك تاۋارلارىنىڭ (ءامات) باعاسى ورتا ەسەپپەن وزگەرمەگەن، الايدا جەكەلەگەن پوزيسيالار بويىنشا ارزانداۋ بايقالادى. ماسەلەن، اق قىرىققابات 1،2%-عا، الما 1،1%-عا ارزاندادى. سونداي-اق باعاسى تومەندەگەندەر: پياز (-1%)، ءسابىز (-1%)، ىرىمشىك (-0،3%)، سۇزبە (-0،2%)، تۇز (-0،2%)، ءبىرىنشى سۇرىپتى ۇن (-0،1%) جانە قايماق (-0،1%).
كەيبىر ونىمدەر، كەرىسىنشە، قىمباتتادى، ءبىراق 1%-دان اسپادى. ەڭ ايتارلىقتاي ءوسىم قياردا (0،8%)، قوي ەتىندە (0،7%)، قىزاناقتا (0،7%) جانە بالىقتا (اققايران، موڭكە، كوكسەركە، تۇقى، سازان) — 0،5%.
جىلدىق كورسەتكىشتە نەگىزگى ازىق-ت ۇلىك ونىمدەرىنىڭ باعاسىنىڭ قالىپتى ءوسۋى بايقالادى — جىلىنا نەبارى 2،2%. سالىستىرۋ ءۇشىن، شىلدە قورىتىندىسى بويىنشا جالپى ينفلياسيا 10،2% قۇرادى. جىل ىشىندە ەڭ قاتتى قىمباتتاعاندار: كارتوپ (26،9%)، ءسابىز (26،1%)، قوي ەتى (24،6%)، پياز (22،6%) جانە ايران (13،7%). ال كۇرىش (3،9%-عا)، الما (7،1%-عا)، قىزاناق (15،6%-عا) جانە قيار (40،1%-عا) ارزاندادى.
ءقازىر قازاقستان بويىنشا ورتاشا باعالار: كارتوپ — كيلوگرامىنا 259 تەڭگە، ءسابىز — 260 تەڭگە، قوي ەتى — 4 524 تەڭگە، پياز — 198 تەڭگە، ايران — 610 تەڭگە، كۇرىش — 536 تەڭگە، الما — 797 تەڭگە، قىزاناق — 533 تەڭگە، قيار — 487 تەڭگە.
بۇل باعالار ەل بويىنشا ورتاشا ەكەنىن ءتۇسىنۋ ماڭىزدى. ءار وڭىردە جانە قالادا ازىق-ت ۇلىك قۇنى ايتارلىقتاي ەرەكشەلەنۋى مۇمكىن. ەسكە سالايىق، الەۋمەتتىك ماڭىزى بار ازىق-ت ۇلىك تاۋارلارىنىڭ (ءامات) تىزىمىنە 31 ازىق-ت ۇلىك ءونىمى كىرەدى، ولاردىڭ باعاسى اپتا سايىن باقىلانىپ، مەملەكەت تاراپىنان رەتتەلەدى.