قازاقستان قارجى مينيسترلىگى 2027 جىلى قوسىلعان قۇن سالىعىنان (ققس) تۇسەتىن تۇسىمدەر 9،5 تريلليون تەڭگەگە جەتەدى دەپ كۇتەدى، بۇل 2026 جىلعى بولجامدى تۇسىمدەردەن 36%-عا ارتىق. مۇنداي ءوسىم ءجىو-نىڭ ۇلعايۋى جانە جاڭا ستاۆكالاردىڭ ەنگىزىلۋى ەسەبىنەن قامتاماسىز ەتىلەدى، دەپ حابارلايدى infohub.kz سايتى.
قارجى مينيسترلىگى دايىنداعان 2027–2029 جىلدارعا ارنالعان بيۋدجەت جوباسىنا سايكەس، 2027 جىلى ققس بويىنشا تۇسىمدەردىڭ جالپى سوماسى 9،5 ترلن تەڭگەنى قۇراۋى ءتيىس، بۇل 2026 جىلعى باعالاۋدان 2،5 ترلن تەڭگەگە (نەمەسە 36%-عا) ارتىق.
قازاقستاندا وندىرىلگەن تاۋارلار مەن كورسەتىلەتىن قىزمەتتەردەن تۇسەتىن ققس تۇسىمدەرى 2027 جىلى 4،5 ترلن تەڭگەنى قۇرايدى — بۇل 2026 جىلمەن سالىستىرعاندا ەكى ەسەگە جۋىق (86%-عا) ارتىق. وسى ءوسىمنىڭ 575 ملرد تەڭگەسى ءجىو ءوسۋى ەسەبىنەن تۇسىمدەردىڭ ۇلعايۋىنان قامتاماسىز ەتىلەدى. بۇل رەتتە بيۋدجەتتەن ققس قايتارۋ سوماسى 1،1 ترلن تەڭگەگە تومەندەۋى ءتيىس.
قوسىمشا 338 ملرد تەڭگە ققس ءتۇسىمىن جاڭا ستاۆكالار اكەلۋى ءتيىس. 2026 جىلدىڭ ءبىرىنشى توقسانىندا سالىق 2025 جىلدىڭ ءتورتىنشى توقسانى ءۇشىن 12% ستاۆكا بويىنشا تولەندى. 2027 جىلدىڭ ءبىرىنشى توقسانىندا بيۋدجەت 2026 جىلدىڭ ءتورتىنشى توقسانى ءۇشىن ققس-تى جاڭا 16% ستاۆكا بويىنشا الادى.
يمپورتتالاتىن تاۋارلاردان تۇسەتىن ققس 5 ترلن تەڭگە اكەلۋى ءتيىس — بۇل 9%-عا ءوسىم. 439 ملرد تەڭگەگە تۇسىمدەر يمپورتتىڭ بولجامدى كولەمىنىڭ ۇلعايۋى ەسەبىنەن، تاعى 4 ملرد تەڭگەگە سالىق اكىمشىلەندىرۋىن جاقسارتۋ ەسەبىنەن وسەدى.
2028 جىلى ققس تۇسىمدەرى 10،5 ترلن تەڭگەنى، ال 2029 جىلى 11،4 ترلن تەڭگەنى قۇراۋى ءتيىس.
بۇعان دەيىن قازاقستاندا QR-تولەمدەرگە قىزمەت كورسەتۋ، تەلەفون ءنومىرى بويىنشا اۋدارىمدار، ەلەكتروندى اقشا جانە سيفرلىق تەڭگە بويىنشا ققس-تان بوساتۋ مۇمكىندىگى قاراستىرىلىپ جاتقانى حابارلانعان بولاتىن.