قازاقستاندا قۇقىق قورعاۋ ورگاندارى مەن اسكەري قىزمەتشىلەردى جۇمىستان شىعارۋعا موراتوري ەنگىزىلمەگەن، دەپ حابارلايدى infohub.kz سايتى.
ورتالىق كوممۋنيكاسيالار قىزمەتى جانىنداعى دەزىنفورماسيامەن كۇرەس ورتالىعى مەسسەندجەرلەردە تاراعان كۇش قۇرىلىمدارىندا جۇمىستان بوساتۋ مەن كادرلىق اۋىستىرۋلارعا تىيىم سالىنعانى تۋرالى اقپاراتتى جوققا شىعاردى.
ورتالىقتىڭ جاريالانىمىندا ايتىلعانداي، چاتتاردا 2026 جىلدىڭ قاراشاسىنان 2027 جىلدىڭ اقپانىنا دەيىن ق ر قۇقىق قورعاۋ جانە ارناۋلى مەملەكەتتىك ورگاندارى، سونداي-اق قارۋلى كۇشتەرى قىزمەتكەرلەرىن جۇمىستان بوساتۋ مەن كادرلىق اۋىستىرۋلارعا تولىق تىيىم سالىناتىنى تۋرالى ءماتىن تاراتىلۋدا.
اقپاراتتىڭ شىنايىلىعىن ارتتىرۋ ءۇشىن اۆتورلار ق ر «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەڭبەك زاڭناماسىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنا سىلتەمە جاسايدى. الايدا، مامانداردىڭ ايتۋىنشا، اتالعان زاڭ شىنىمەن بار، ءبىراق ونداي ەرەجەلەر جوق. وندا كورسەتىلگەن كەزەڭگە جۇمىستان بوساتۋعا، اۋىستىرۋعا، تاعايىنداۋعا نەمەسە وزگە دە كادرلىق اۋىستىرۋلارعا موراتوري ەنگىزۋ تۋرالى نورمالار جوق.
اقپاراتتىڭ جالعاندىعىنىڭ قوسىمشا بەلگىسى — تاراتىلعان ماتىندە قۇجاتتىڭ مىندەتتى دەرەكتەمەلەرىنىڭ بولماۋى: بۇيرىقتى شىعارعان مەملەكەتتىك ورگان، قۇجاتتىڭ كۇنى مەن ءنومىرى، موراتوري ەنگىزىلەتىن زاڭنامانىڭ ناقتى نورماسى، سونداي-اق تاپسىرما بەرىلگەن لاۋازىمدى تۇلعا كورسەتىلمەگەن.
وسىلايشا، بۇل جاعدايدا ناقتى نورماتيۆتىك اكت وندا جوق اقپاراتقا شىنايىلىق بەرۋ ءۇشىن نەگىز رەتىندە پايدالانىلۋدا.