وپەك+ اليانسىنا كىرەتىن جەتى ەل، ونىڭ ىشىندە قازاقستان، 2026 جىلدىڭ قىركۇيەگىندە مۇناي ءوندىرۋدى ۇلعايتۋعا كەلىستى. بۇل شەشىم اليانس قاتىسۋشىلارىنىڭ ۆيرتۋالدى كەزدەسۋىندە قابىلداندى، دەپ حابارلايدى ۇيىمنىڭ ءباسپاسوز قىزمەتى. وسىلايشا، قازاقستان تاۋلىگىنە 10 مىڭ باررەلگە ءوندىرىستى ارتتىرا الادى، دەپ حابارلايدى infohub.kz سايتى.
ساۋد ارابياسى، رەسەي، يراك، كۋۆەيت، قازاقستان، الجير جانە ومان ءوندىرىستى جالپى تاۋلىگىنە 188 مىڭ باررەلگە تۇزەتۋگە شەشىم قابىلدادى. بۇل شارا 2023 جىلدىڭ ساۋىرىندە ەلدەر جاريالاعان قوسىمشا ەرىكتى شەكتەۋلەر اياسىندا جۇزەگە اسىرىلۋدا.
ەڭ كوپ ۇلعايتۋ ساۋد ارابياسى مەن رەسەيگە قاراستىرىلعان — ءار ەل تاۋلىگىنە 62 مىڭ باررەلگە ءوندىرىستى ارتتىرا الادى. يراك كورسەتكىشتى 26 مىڭ باررەلگە، كۋۆەيت — 16 مىڭعا، قازاقستان — 10 مىڭعا، الجير — 6 مىڭعا، ومان — 5 مىڭ باررەلگە ارتتىرادى.
تۇزەتۋدەن كەيىن ءوندىرىستىڭ نىسانالى دەڭگەيلەرى: ساۋد ارابياسى — تاۋلىگىنە 10،478 ملن باررەل؛ رەسەي — 9،949 ملن؛ يراك — 4،431 ملن؛ كۋۆەيت — 2،676 ملن؛ قازاقستان — 1،628 ملن؛ الجير — 1،007 ملن؛ ومان — 841 مىڭ باررەلدى قۇرايدى.
وپەك+ وكىلدەرى بۇل شەشىم ەلدەرگە بۇرىن اسىرا ورىندالعان ءوندىرىس كولەمدەرىن وتەۋ جونىندەگى مىندەتتەمەلەردى ورىنداۋدى جەدەلدەتۋگە مۇمكىندىك بەرەتىنىن اتاپ ءوتتى.
ەسكە سالايىق، كتك-عا جاسالعان شابۋىلدار مەن تەڭىز تەرمينالىنىڭ جابىلۋىنان كەيىن قازاقستاندا مۇناي ءوندىرىسى شىلدەدەگى ورتاشا دەڭگەيمەن سالىستىرعاندا (تاۋلىگىنە 2،07 ملن باررەل) تاۋلىگىنە 1،63 ملن باررەلگە دەيىن تومەندەگەن بولاتىن.