نەپال مەن جۇڭگو شەكاراسىنداعى تابيعي اپات ايماعىندا قازاقستاننىڭ ءۇش ازاماتشاسى حابار-وشارسىز كەتتى، دەپ حابارلايدى infohub.kz سايتى.
ق ر سىرتقى ىستەر مينيسترلىگىنىڭ رەسمي وكىلى جانبولات ۇسەنوۆ ءوزىنىڭ Telegram-ارناسىندا جۇڭگو مەن نەپال شەكاراسىنداعى اپات ايماعىندا بولۋى مۇمكىن ءۇشىنشى قازاقستاندىق تۋريست تۋرالى مالىمەت تۇسكەنىن حابارلادى. قازاقستان ديپلوماتتارى ەكى ەلدىڭ مەملەكەتتىك ورگاندارىمەن ءوزارا ءىس-قيمىل جاساپ، وتانداستاردى ىزدەستىرۋ جالعاسۋدا.
بۇعان دەيىن جۇڭگو مەن نەپال اراسىنداعى شەكارالىق وتكەل اۋماعىندا جەر سىلكىنىسىنەن كەيىن وپىرىلىپ ءتۇسۋ بولعانى حابارلانعان بولاتىن. كەيىننەن قاتتى سۋ تاسقىنى مىڭداعان ادامنىڭ جوعالۋىنا سەبەپ بولدى. ءىرى سۋ تاسقىنىنىڭ سەبەبى جەر سىلكىنىسى مەن ودان كەيىنگى وپىرىلىپ ءتۇسۋ دەپ اتالىپ وتىر.
27 تامىزدا قىتايدان نەپالعا تۋريستىك توپ قۇرامىندا وتكەن قازاقستاندىق ءتۋريستى ىزدەۋ باستالعانى بەلگىلى بولدى. الدىڭعى كۇنى سۋ تاسقىنى كەزىندە حابار-وشارسىز كەتكەن تاعى ءبىر ازاماتشانى ىزدەۋ تۋرالى اقپارات پايدا بولدى.