قازاقستاننىڭ نورۆەگياداعى ەلشىسى ءادىل تۇرسىنوۆ وسلودا وتكەن كورول حارالد Vء-نىڭ مەملەكەتتىك جەرلەۋ راسىمىنە قاتىستى، دەپ حابارلايدى infohub.kz.
ق ر سىرتقى ىستەر مينيسترلىگىنىڭ ءباسپاسوز قىزمەتىنىڭ مالىمەتىنشە، 9 قىركۇيەكتە قازاقستاندىق ديپلومات وسلو كافەدرالدى سوبورىندا وتكەن ازا تۇتۋ شاراسىنا قاتىستى. شارا اياسىندا ول رەسمي كوڭىل ايتۋ كىتابىنا جازبا قالدىرىپ، مونارحپەن قوشتاسۋ راسىمىنە قاتىستى.
راسىمگە مىڭعا جۋىق قوناق قاتىستى، ونىڭ ىشىندە نورۆەگيا مەن باسقا ەلدەردىڭ كورولدىك وتباسى مۇشەلەرى، مەملەكەت جانە ۇكىمەت باسشىلارى، نورۆەگيا پارلامەنتىنىڭ (ستورتينگ) دەپۋتاتتارى، ديپلوماتيالىق كورپۋس وكىلدەرى مەن قوعام وكىلدەرى بار.
ەسكە سالايىق، 28 تامىزدا نورۆەگيا كورولى حارالد V ءومىرىنىڭ 89-جىلىندا قايتىس بولعان ەدى. ول اۋرۋحانادا جايباراقات دۇنيەدەن وزعانى حابارلاندى. ونىڭ قايتىس بولۋىنان كەيىن تاق ونىڭ ۇلى حوكونعا ءوتتى.
قازاقستان پرەزيدەنتى قاسىم-جومارت توقايەۆ اكەسىنىڭ قايتىس بولۋىنا بايلانىستى نورۆەگيانىڭ جاڭا كورولى حوكون VIII-گە كوڭىل ايتۋ جەدەلحاتىن جولدادى.