18 شىلدەدە قازاقستاننىڭ ءۇش وڭىرىندە – اقمولا، شىعىس قازاقستان جانە پاۆلودار (باياناۋىل ۇلتتىق پاركى) وبلىستارىندا ورمان ورتتەرى شىقتى، دەپ حابارلايدى infohub.kz.
ءورت وشاقتارىن تابۋ جانە سوندىرۋگە مەملەكەتتىك ورمان قورعاۋ قىزمەتكەرلەرى، سونداي-اق «قازاۆياورمانقورعاۋ» رەسپۋبليكالىق مەملەكەتتىك كاسىپورنىنىڭ كۇشى مەن قۇرالدارى جۇمىلدىرىلدى. قاجەت بولعان جاعدايدا توتەنشە جاعدايلار مينيسترلىگىنىڭ بولىمشەلەرى قوسىلادى.
16 شىلدەدە باستالعان «سەمەي ورمانى» مەملەكەتتىك ورمان تابيعي رەزەرۆاتىنداعى ورمان ءورتى 18 شىلدە تاڭەرتەڭ وقشاۋلاندى. ءسوندىرۋ بارىسىندا تىكۇشاقتار 319 رەت سۋ شاشىپ، ءورت وشاعىنا بارلىعى 709 توننا سۋ جەتكىزدى.
اشىق جانۋ 17 شىلدەدە جويىلدى. ءقازىر قۇتقارۋشىلار جەكەلەگەن تۇتىندەگەن وشاقتاردى جويۋ جۇمىستارىن جالعاستىرۋدا.