قازاقستان جۇڭگو تاراپىنىڭ قازاقستاندىق استىق پەن مايلى داقىلداردى، ونىڭ ىشىندە ستراتەگيالىق قور قالىپتاستىرۋ ءۇشىن ساتىپ الۋ كولەمىن ارتتىرۋدى ۇسىندى، دەپ حابارلايدى infohub.kz سايتى.
اۋىل شارۋاشىلىعى مينيسترلىگىندە حابارلاعانداي، بۇل ماسەلە ۆيسە-مينيستر نازگۇل حاتەپوۆانىڭ قحر مەملەكەتتىك ازىق-ت ۇلىك جانە ماتەريالدىق رەزەرۆتەر باسقارماسىنىڭ باسشىسى ليۋ حۋانسينمەن كەزدەسۋىندە تالقىلاندى. ءىس-شارا قازاقستاننىڭ 8ء-شى جۇڭگو استىق ساۋداسى كونفەرەنسياسىنا قاتىسۋى اياسىندا ءوتتى.
2025 جىلدىڭ قورىتىندىسى بويىنشا ەكى ەل اراسىنداعى اگروونەركاسىپ كەشەنى ونىمدەرىنىڭ تاۋار اينالىمى 36،8%-عا ءوسىپ، 1،97 ميلليارد اقش دوللارىنا جەتتى.
«جۇڭگو — قازاقستاننىڭ اوك سالاسىنداعى نەگىزگى ستراتەگيالىق سەرىكتەستەرىنىڭ ءبىرى. گەوگرافيالىق جاقىندىق، ەكونوميكالاردىڭ ءوزارا تولىقتىرىلۋى جانە ازىق-ت ۇلىككە سۇرانىستىڭ تۇراقتى ءوسۋى ءوزارا ءتيىمدى ىنتىماقتاستىقتى ودان ءارى كەڭەيتۋگە بەرىك نەگىز قالايدى»، — دەپ اتاپ ءوتتى نازگۇل حاتەپوۆا.
قازاقستان تاراپى سونداي-اق ءوزارا جەتكىزىلىمدەر تىزبەسىن كەڭەيتۋدى ۇسىندى. كەلىسسوزدەر بارىسىندا اۋىل شارۋاشىلىعى ونىمدەرىن ساقتاۋ جانە قايتا وڭدەۋ قۋاتتارىن سالۋعا قىتايلىق ينۆەستيسيالاردى تارتۋ پەرسپەكتيۆالارى، سونداي-اق اگرولوگيستيكانى دامىتۋ ماسەلەلەرى تالقىلاندى.
كەزدەسۋ قورىتىندىسى بويىنشا تاراپتار ۇسىنىستار بويىنشا بىرلەسكەن جۇمىستى جالعاستىرۋعا جانە ەكى ەلدىڭ ءتيىستى مەملەكەتتىك ورگاندارى مەن ىسكەر توپتارى اراسىنداعى ءوزارا ءىس-قيمىلدى جانداندىرۋعا كەلىستى.
سونىمەن قاتار، نازگۇل حاتەپوۆا قىتايدىڭ حۋنان پروۆينسياسىنىڭ گۋبەرناتورى ماو ۆەيمينمەن كەزدەسۋ وتكىزىپ، وندا ازىق-ت ۇلىك قاۋىپسىزدىگى سالاسىنداعى ىنتىماقتاستىقتى دامىتۋ ماسەلەلەرى تالقىلاندى. جۇڭگو تاراپى قازاقستان مەن حۋنان پروۆينسياسى اراسىنداعى عىلىمي-تەحنيكالىق ءوزارا ءىس-قيمىلدى كەڭەيتۋ جانە تاجىريبە الماسۋدى ۇسىندى.
بۇعان دەيىن پرەزيدەنت قاسىم-جومارت توقايەۆ قازاقستان مەن جۇڭگو اراسىنداعى ىنتىماقتاستىقتىڭ نەگىزگى باعىتتارىن بەلگىلەگەن بولاتىن.