مەملەكەتتىك كىرىستەر دەپارتامەنتىنىڭ قىزمەتكەرلەرى شەكارا قىزمەتىمەن بىرلەسىپ، رەسەيمەن شەكاراداعى وتكىزۋ پۋنكتتەرىندە مۇناي ونىمدەرىنىڭ قوزعالىسىن باقىلاۋدى كۇشەيتتى. ناتيجەسىندە رەسەيگە وتىن شىعارۋدىڭ 100-گە جۋىق ارەكەتى توقتاتىلدى، دەپ حابارلايدى infohub.kz.
باقىلاۋ تاۋلىك بويى جۇرگىزىلەدى، ونىڭ ىشىندە اۆتوكولىك وتكىزۋ پۋنكتتەرىندە تەكسەرۋ جانە پاۆلودار وبلىسىنىڭ بۇكىل اۋماعىندا ءموبيلدى توپتاردىڭ جۇمىسى قامتىلعان. سونىمەن قاتار ىشكى نارىقتاعى جاعداي، ونىڭ ىشىندە جانارماي قۇيۋ ستانسيالارىنداعى وتىن ساتۋ كولەمى كۇن سايىن مونيتورينگتەن وتەدى.
«جالپى ماماندار 4 مىڭ ليتر وتىندى ۇستادى، ونىڭ 1390 ءليترى بەنزين، 2500 ءليترى ديزەل وتىنى بولىپ تابىلادى. تالداۋ كورسەتكەندەي، شەكاراداعى قۇقىق بۇزۋشىلىقتار نەگىزىنەن جەڭىل كولىكپەن جۇرەتىن ازاماتتار تاراپىنان جاسالادى، ولار وتىندى كانيسترلەردە وتكىزۋگە تىرىسادى»، — دەپ مالىمدەدى پاۆلودار وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى ەرجان توقتارحانوۆ «يربيس» تەلەارناسىنا بەرگەن سۇحباتىندا.
مكد قىزمەتكەرلەرى شەكارا ماڭىنداعى جانارماي قۇيۋ ستانسيالارىنا حرونومەتراجدىق زەرتتەۋلەر جۇرگىزىپ، بەنزين مەن ديزەل وتىنىن ساتۋ كولەمىن باقىلايدى. شەكارا ماڭى ايماعىندا بارلىعى 15 جانارماي قۇيۋ ستانسياسى ورنالاسقان.