قازاقستاندا جەرگىلىكتى اتقارۋشى ورگاندار بولەتىن مەملەكەتتىك گرانتتارعا كونكۋرسقا ءوتىنىم قابىلداۋ باستالدى، دەپ حابارلايدى infohub.kz سايتى.
عىلىم جانە جوعارى ءبىلىم مينيسترلىگىندە اتاپ وتكەندەي، اكىمدىكتەر جىل سايىن وڭىرلەر ءۇشىن سۇرانىسقا يە جانە باسىم باعىتتار بويىنشا كادرلار دايارلاۋعا گرانتتار بولەدى.
بيىل جەرگىلىكتى اتقارۋشى ورگاندار باكالاۆريات، ماگيستراتۋرا جانە رەزيدەنتۋرا باعدارلامالارى بويىنشا وقۋعا 2 392 ءبىلىم گرانتىن ءبولدى. گرانتتاردىڭ وڭىرلەر بويىنشا ءبولىنۋى مىناداي: استانادا — 303 گرانت، شىمكەنتتە — 285 گرانت، شىعىس قازاقستان وبلىسىندا — 270 گرانت، باتىس قازاقستان وبلىسىندا — 211 گرانت، اباي جانە تۇركىستان وبلىستارىندا — 200 گرانتتان، اقمولا وبلىسىندا — 199 گرانت، قاراعاندى وبلىسىندا — 198 گرانت، اتىراۋ وبلىسىندا — 187 گرانت، ماڭعىستاۋ وبلىسىندا — 163 گرانت. قالعان وڭىرلەر شامامەن 100 گرانتتان ءبولدى.
ۆەدومستۆو تۇسىندىرگەندەي: «كونكۋرسقا قاتىسۋ ءۇشىن تالاپكەرلەر تاڭداعان جوعارى وقۋ ورنىنىڭ قابىلداۋ كوميسسياسىنا ءوتىنىم بەرۋى قاجەت. وتىنىمگە ءبىلىم تۋرالى قۇجات، نەگىزگى ۇبت سەرتيفيكاتى، جەكە باستى كۋالاندىراتىن قۇجاتتىڭ كوشىرمەسى، سونداي-اق جەڭىلدىكتەرگە قۇقىعىن راستايتىن قۇجاتتار (بار بولسا) قوسا بەرىلەدى».
قۇجاتتاردى قابىلداۋ مەرزىمى تۋرالى اقپاراتتى جەرگىلىكتى اتقارۋشى ورگاندار مەن جوعارى وقۋ ورىندارىنىڭ قابىلداۋ كوميسسيالارىنان الۋعا بولاتىنى ايتىلعان. ءبىلىم گرانتتارىن بەرۋ تۋرالى شەشىمدى ءتيىستى اكىمدىك جانىنان قۇرىلعان ارنايى كوميسسيا قابىلدايدى.
جوعارى وقۋ ورىندارىنا ءتۇسۋ ءۇشىن قۇجاتتاردى قابىلداۋ 25 تامىزعا دەيىن جالعاسادى.
ەسكە سالايىق، كەشە قازاقستاندا ءبىلىم گرانتتارىن العانداردىڭ رەسمي ءتىزىمى جاريالانعان بولاتىن. ونىمەن سىلتەمە ارقىلى تانىسۋعا بولادى. سودان كەيىن ق ر عىلىم جانە جوعارى ءبىلىم مينيسترلىگى قازاقستاندىق تالاپكەرلەردىڭ گرانت كونكۋرسىنداعى جەڭىسىنە رەاكسيالارىنىڭ ىرىكتەمەسى بار بەينەروليك جاريالادى. ال ۆەدومستۆو باسشىسى گرانتقا ىلىنە الماعانداردىڭ اتا-انالارىنا ۇندەپ، اكە-شەشەلەردى بالالارىن قولداۋعا شاقىردى.