قازاقستاندىق تۋراگەنت تانىمال k-pop توبى BTS جانكۇيەرلەرىنە كونسەرتكە جالعان بيلەتتەر ساتقان. SHOT Telegram-ارناسىنىڭ مالىمەتىنشە، ونىڭ ارەكەتىنەن بۇكىل الەم بويىنشا 100-گە جۋىق ادام زارداپ شەككەن، دەپ حابارلايدى infohub.kz سايتى.
انىقتالعانداي، تۋراگەنت ءوزىنىڭ الەۋمەتتىك جەلىلەرى ارقىلى 12-13 ماۋسىمدا پۋساندا وتكەن بويز-بەند كونسەرتىنە ساپار ساتىپ الۋدى بەلسەندى تۇردە ۇسىنعان. 167 مىڭ رۋبلگە (955،6 مىڭ تەڭگە) ول ەكى جاققا ۇشۋ، جاقسى قوناقۇيگە ورنالاستىرۋ جانە كونسەرتكە بيلەتتەر ۋادە ەتكەن.
وعان دەيىن جالعان تۋراگەنت وسىلايشا k-pop جۇلدىزدارى BLACKPINK توبىنىڭ كونسەرتتەرىنە ساپارلاردى ساتقان. سول كەزدە تۋريستەر گونكونگقا كەلگەننەن كەيىن عانا ولارعا ءقوناقۇي بروندالماعانىن، ال كونسەرتكە بيلەتتەر مەن كەرى رەيستەر جالعان ەكەنىن بىلگەن.
تۋريستەردىڭ ايتۋىنشا، الەۋمەتتىك جەلىلەردە قىز ءبارىن شەشىپ، اقشانى قايتارامىن دەپ ۋادە بەرگەن، ءبىراق كەيىن جاي عانا جوعالىپ كەتكەن. BTS كونسەرتىنە بيلەتتەردى قايتارعىسى كەلگەندەرمەن دە ءدال وسىنداي جاعداي بولعان.
ناتيجەسىندە تۋراگەنتتىڭ ارەكەتىنەن كەلتىرىلگەن جالپى زالال 3،5 ملن رۋبلگە (19،9 ملن تەڭگە) باعالانعان.
بۇعان دەيىن «كۋرسيۆ» BTS توبىنىڭ «گرەممي-2027» سىيلىعىنا جاڭا البوم ۇسىنۋدان باس تارتقانىن جازعان.