ەكى ەلدىڭ قۇقىق قورعاۋ ورگاندارى بىرلەسىپ جۇرگىزگەن ارنايى وپەراسيا كامەلەتكە تولماعان ءجاسوسپىرىمدى ۇستاۋمەن اياقتالدى: ول استاناداعى ساۋدا-ويىن-ساۋىق ورتالىقتارىنىڭ بىرىندە تەراكت جاساۋ تۋرالى كورىنەۋ جالعان حابارلاما تاراتقان دەپ كۇدىككە ءىلىندى، دەپ حابارلايدى infohub.kz سايتى.
قازاقستان ىشكى ىستەر مينيسترلىگىنىڭ مالىمەتىنشە، 26 تامىزدا ۋكراينانىڭ سۋمى قالاسىندا كامەلەتكە تولماعان ءجاسوسپىرىم ۇستالدى. ءىس-شارالار قازاقستان ءىىم مەن ۋكراينا كيبەرپوليسياسىنىڭ ءوزارا ءىس-قيمىلى بارىسىندا ءوتتى.
ءتىنتۋ كەزىندە ۇيالى تەلەفوندار، پلانشەتتەر، نوۋتبۋك، جۇيەلىك بلوك جانە بانك كارتاسى تاركىلەندى. ەلەكتروندىق قۇرىلعىلاردان سيفرلىق دالەلدەر، سونىڭ ىشىندە پايدالانىلعان اككاۋنت، جىبەرىلگەن حابارلامانىڭ ءماتىنى جانە باسقا دا مالىمەتتەر تابىلدى.
قازىرگى تاڭدا تاركىلەنگەن تەحنيكانى تالداۋ جۇرگىزىلىپ جاتىر، ول ىقتيمال سىبايلاستاردى انىقتاۋ جانە ۇستالعان ادامنىڭ وسىعان ۇقساس فاكتىلەرگە قاتىسىن تەكسەرۋ ءۇشىن قاجەت، دەلىنگەن ۆەدومستۆو حابارلاماسىندا.
ۋكراينانىڭ قۇزىرەتتى ورگاندارىمەن ودان ءارى پروسەستىك شەشىمدەر قابىلداۋ ماسەلەسى بويىنشا ءوزارا ءىس-قيمىل جالعاسىپ جاتقانى اتاپ ءوتىلدى.
قازاقستان ءىىم ەسكە سالادى: مينالاۋ، تەرروريزم، ادام كەپىلگە الۋ جانە وزگە دە قاۋىپسىزدىككە تونەتىن قاتەرلەر تۋرالى جالعان حابارلامالار — ويىن ەمەس. مۇنداي ارەكەتتەر اۋىر قۇقىقتىق سالدارعا اكەپ سوعادى. اتا-انالارعا بالالارعا ينتەرنەتتە ءقاۋىپسىز جانە جاۋاپتى مىنەز-ق ۇلىق ەرەجەلەرىن ءتۇسىندىرۋ، سونداي-اق الەۋمەتتىك جەلىلەر مەن مەسسەندجەرلەردەگى كۇدىكتى بەلسەندىلىككە نازار اۋدارۋ ۇسىنىلادى، دەپ ەسكەرتتى پوليسيادا.
بۇعان دەيىن قوستانايدا ءجاسوسپىرىم دايىندالىپ جاتقان تەراكت تۋرالى جالعان حابارلاما ءۇشىن جاۋاپكەرشىلىككە تارتىلىپ، وعان شارتتى تۇردە باس بوستاندىعىنان ايىرۋ جازاسى تاعايىندالعانى حابارلانعان بولاتىن.