ۆەتنامداعى قازاقستان مادەنيەت كۇندەرى اياسىندا ق ر ۆيسە-پرەمەرى — مادەنيەت جانە اقپارات ءمينيسترى ايدا بالاەۆا ۆەتنام سوسياليستىك رەسپۋبليكاسى پرەمەر-مينيسترىنىڭ ورىنباسارى فام تحي تحان چامەن كەزدەستى. تاراپتار ەكىجاقتى قارىم-قاتىناستاردى ودان ءارى دامىتۋدىڭ پەرسپەكتيۆالىق باعىتتارىن تالقىلادى، دەپ حابارلايدى infohub.kz.
بالاەۆانىڭ ايتۋىنشا، وتكەن جىلى ەكى مەملەكەت ستراتەگيالىق ارىپتەستىك دەڭگەيىنە شىققاننان كەيىن ولاردىڭ قارىم-قاتىناسى جاڭا كەزەڭگە اياق باستى. بۇل ساياسي جانە ەكونوميكالىق بايلانىستاردى عانا ەمەس، مادەني-گۋمانيتارلىق ىنتىماقتاستىقتى تەرەڭدەتۋگە دە جاعداي جاسايدى.
«ءبىز ۆەتنامداعى مادەني جانە كرەاتيۆتى يندۋستريالاردىڭ دامۋىن ۇلكەن قىزىعۋشىلىقپەن باقىلاپ وتىرمىز. مۇندا كينو، ورىنداۋشىلىق ونەر، مادەني تۋريزمنەن باستاپ مۇرانى ساقتاۋ، ءداستۇرلى قولونەر جانە زاماناۋي ديزاينعا دەيىنگى ىنتىماقتاستىقتىڭ ءبىرقاتار پەرسپەكتيۆالىق باعىتتارىن كورىپ وتىرمىز. وسى سالالاردا تاجىريبە الماسۋ ءبىزدىڭ ىنتىماقتاستىعىمىزعا جاڭا سەرپىن بەرە الاتىنىنا سەنىمدىمىن»، — دەپ اتاپ ءوتتى ول.
كەلىسسوزدەردە كرەاتيۆتى ءتۋريزمدى دامىتۋعا ەرەكشە نازار اۋدارىلدى. بۇل فورمات ساياحاتشىلاردىڭ ءداستۇرلى قولونەر، گاسترونوميا، شەبەرلىك ساباقتارى جانە شىعارماشىلىق باعدارلامالارعا قاتىسۋ ارقىلى جەرگىلىكتى مادەني ورتاعا تەرەڭ ەنۋىن كوزدەيدى.
سونىمەن قاتار، ايدا بالاەۆا كينەماتوگرافيا سالاسىنداعى ىنتىماقتاستىقتى جانداندىرۋدى ۇسىندى. اتاپ ايتقاندا، قازاقستان مەن ۆەتنامدا ءوزارا كينواپتالىقتار وتكىزۋ، ەكى ەل كينەماتوگرافيستەرىنىڭ حالىقارالىق فەستيۆالدەرگە قاتىسۋىن كەڭەيتۋ جانە ەكى ەلدىڭ اۋماعىندا تۇسىرىلىمدەر ۇيىمداستىرۋ.
تاعى ءبىر باسىم باعىت — كەشەندى تۋريستىك باعىتتاردى قۇرۋ جۇمىسى. ولار قازاقستان مەن ۆەتنامنىڭ مادەني مۇرا وبەكتىلەرىن، تاريحي قالالارىن، مۇراجايلارىن، قولونەر ورتالىقتارىن جانە زاماناۋي ارت-كەڭىستىكتەرىن بىرىكتىرەدى.
كەزدەسۋ قورىتىندىسى بويىنشا تاراپتار بىرلەسكەن باستامالاردى جۇزەگە اسىرۋعا ءوزارا قىزىعۋشىلىقتارىن راستادى.