قازاقستاننىڭ ۇستەل تەننيسى بويىنشا قۇراماسى WTT Youth Contender Tashkent II حالىقارالىق تۋرنيرىندە ءساتتى ونەر كورسەتىپ، ءارتۇرلى جاس ساناتتارى بويىنشا جەتى جۇلدەگە يە بولدى. جارىس وزبەكستان استاناسىندا 22 ەلدىڭ سپورتشىلارىنىڭ قاتىسۋىمەن ءوتتى، دەپ حابارلايدى infohub.kz.
قۇرامانىڭ التىن مەدالدارىن الان قۇرمانعالييەۆ (U19) پەن جانيا بەكمۇحامبەتوۆا (U13) جەڭىپ الدى. كۇمىس جۇلدەنى نازەركە بولاتبەك (U11) يەلەندى. U11 ساناتىندا قولا جۇلدەگەرلەر بولىپ داگير دانياروۆ، نۇرجان باقداۋلەت، مەدينا اماندىق جانە نۇراي جاناەۆا اتاندى.
قازاقستان رەسپۋبليكاسىنىڭ ۇستەل تەننيسى فەدەراسياسىن دانيار ءابىلعازين باسقارادى.