اقش-تىڭ يۋدجين قالاسىندا (ورەگون شتاتى) جاستار اراسىنداعى جەڭىل اتلەتيكادان الەم چەمپيوناتى اياقتالدى. بۇل دوداعا قازاقستاندىق سپورتشىلار قاتىستى. ديسك لاقتىرۋشى ماكسيم ساجنيەۆ فينالدا 11-ورىنعا تابان تىرەدى. ول العاشقى ارەكەتىندە 59،85 مەتر ناتيجە كورسەتتى، دەپ حابارلايدى infohub.kz.
17 جاستاعى ساجنيەۆ كەلەسى ەكى ارەكەتىن ءساتسىز اياقتاپ، ىرىكتەۋدەگى ناتيجەسىن (61،37 مەتر) جاقسارتا المادى. بۇل كورسەتكىش قازاقستاننىڭ جاستار اراسىنداعى رەكوردى بولىپ تابىلادى. الايدا، وسى ناتيجەمەن دە ول تەك 10-ورىنعا كوتەرىلەر ەدى. فينالدا 13 قاتىسۋشىنىڭ بەسەۋى جەكە رەكوردتارىن جاڭارتتى. ال امەريكالىق سيمون روسسەللي تۋرنير رەكوردىن (66،39 مەتر) كورسەتىپ، التىن مەدالعا يە بولدى. كۇمىس جۇلدەنى ەستوندىق ستەن-ەريك يير (65،42)، قولانى يامايكالىق دجوزەف ريچارد سالمون (64،37) جەڭىپ الدى.
وسىلايشا، ىرىكتەۋدەن ءوتىپ، فينالعا شىققان ەكى قازاقستاندىق تا 11-ورىنعا تۇراقتادى. بۇعان دەيىن سىرىقپەن سەكىرۋشى اننا چەركاشينا دا 11-ورىن الىپ، ەلدىڭ جاستار اراسىنداعى رەكوردىن جاڭارتقان بولاتىن (4،10 مەتر).
جالپى، يۋدجيندەگى الەم چەمپيوناتىندا قازاقستان اتىنان ىرىكتەۋ نورماتيۆتەرىن ورىنداعان 11 جەڭىل اتلەت ونەر كورسەتتى. بۇل — 2008 جىلدان بەرى ەڭ كوپ قۇرام. سول جىلى پولشانىڭ بىدگوشش قالاسىندا وتكەن تۋرنيردە 12 سپورتشى ب ا ق سىناعان ەدى. سالىستىرۋ ءۇشىن، ەكى جىل بۇرىن پەرۋ استاناسى ليمادا بەس قازاقستاندىق بولسا، 2022 جىلى كولۋمبيانىڭ كالي قالاسىندا تورتەۋى عانا قاتىسقان.
قازاقستان جاستار اراسىنداعى الەم چەمپيوناتتارىنا 1994 جىلدان بەرى جەكە كوماندامەن قاتىسىپ كەلەدى. وسى ۋاقىت ىشىندە ءبىزدىڭ سپورتشىلار قاتارىنان 16 تۋرنيرگە قاتىستى، الايدا ءالى بىردە-بىر رەت جۇلدەلى ورىنعا كوتەرىلگەن جوق.