2026 جىلى قازاقستانداعى ەلەكتر ستانسيالارىن جوندەۋگە 384 ملرد تەڭگە ءبولىندى. بۇل وتكەن جىلمەن سالىستىرعاندا 9 پايىزعا ارتىق. قاراجات ەلەكتر ەنەرگياسى تاريفتەرى ەسەبىنەن قۇرالىپ، نىسان يەلەرىنە جىبەرىلگەن. ولار ەڭ وسال تۇستاردى وزدەرى انىقتادى، دەپ حابارلايدى infohub.kz سايتى.
جىلۋ ەلەكتر ستانسيالارىن جوندەۋ بويىنشا جوسپارلانعان جۇمىستاردىڭ جارتىسىنان ازى ورىندالعانىمەن، ۇكىمەت جۇمىستار كەستە بويىنشا ءجۇرىپ جاتقانىن مالىمدەدى. ەرەكشە باقىلاۋدا بەس پروبلەمالى ستانسيا: سەمەي، ورال جانە تاراز قالالارىنداعى جەو، اقتاۋداعى №2 جەو جانە تەمىرتاۋداعى №1 جەس. ولارداعى جابدىقتىڭ توزۋى 52 پايىزعا دەيىن ازايۋى ءتيىس.
2026 جىلى بارلىعى توعىز ەنەرگوبلوكتى، 55 قازاندىقتى جانە 51 تۋربينانى جوندەۋ جوسپارلانعان. قازىرگى ۋاقىتتا ەكى ەنەرگوبلوكتى جوندەۋ اياقتالدى، تاعى ەكەۋى جوندەلۋدە. 55 قازاندىقتىڭ 13ء-ى جوندەلگەن، 27ء-سى جوندەلۋدە. 51 تۋربينانىڭ سەگىزىنىڭ جوندەۋى اياقتالدى، 16-سىنا جوندەۋ جالعاسۋدا. كەيبىر نىسانداردا جاسىرىن اقاۋلار انىقتالۋدا، ءبىراق كەستە بۇزىلماعان. سونىمەن قاتار، اعىمداعى جوندەۋمەن 500-دەن استام قوسالقى جابدىق قامتىلدى.