2025 جىلى قازاقستانداعى حايۋاناتتار باقتارى رەكوردتىق 2،6 ميلليارد تەڭگە تابىس تاپتى، دەپ حابارلايدى infohub.kz. بۇل رەتتە ولاردىڭ سانى سەگىزگە دەيىن قىسقاردى، ونىڭ ىشىندە ءۇش كونتاكتىلى حايۋاناتتار باعى جانە ءبىر وكەاناريۋم بار.
EnergyProm ساراپشىلارىنىڭ مالىمەتىنشە، حايۋاناتتار باقتارى كورسەتكەن قىزمەت كولەمى وتكەن جىلمەن سالىستىرعاندا 23،5%-عا ءوسىپ، 2015 جىلعى كورسەتكىشتەن 2،5 ەسەگە اسقان. سالىستىرۋ ءۇشىن: 2017–2018 جىلدارى ەلدە 20 حايۋاناتتار باعى جۇمىس ىستەگەن.
حايۋاناتتار باقتارى سانىنىڭ ازايۋى زاڭناماداعى وزگەرىستەرگە بايلانىستى. 2025 جىلعى 1 قاڭتاردان باستاپ قازاقستاندا كونتاكتىلى حايۋاناتتار باقتارىنىڭ، جىلجىمالى مال دۇكەندەرىنىڭ، جىلجىمالى وكەاناريۋمداردىڭ جانە جىلجىمالى جانۋارلار كورمەلەرىنىڭ (اۋىل شارۋاشىلىعى جانە ءۇي جانۋارلارىن قوسپاعاندا) قىزمەتىنە تىيىم سالىندى. بۇل تىيىم «جانۋارلارعا جاۋاپكەرشىلىكپەن قاراۋ تۋرالى» زاڭمەن بەلگىلەنگەن.
كەلۋشىلەردىڭ باسىم بولىگى ءۇش ءىرى قالادا شوعىرلانعان. الماتىعا 1،1 ميلليون كەلۋشى (ەلىمىز بويىنشا جالپى ساننىڭ 42،3%)، شىمكەنتكە – 716،2 مىڭ، استاناعا – 517،4 مىڭ كەلۋشى تيەسىلى بولدى. جالپى العاندا، مەگاپوليستەردەگى حايۋاناتتار باقتارى مەن وكەاناريۋمعا بارلىق كەلۋشىلەردىڭ 89%-ى دەرلىك كەلگەن.
حايۋاناتتار باقتارىنىڭ ماسەلەسى – جانۋارلارعا دورەكى قاراۋ جانە ولاردى كەلۋشىلەردىڭ تاماقتاندىرۋى بولىپ قالۋدا.