جازدىڭ سوڭعى دەمالىس كۇندەرىندە قازاقستاندىق كينوتەاترلار 740 ملن تەڭگە جينادى، دەپ حابارلايدى infohub.kz.
20-23 تامىز ارالىعىنداعى پروكات كوشباسشىسى — «چەلوۆەك-پاۋك: نوۆىي دەن» ءفيلمى. ول ءۇشىنشى دەمالىس كۇندەرىندە 270 ملن تەڭگە تابىس اكەلدى. جالپى، پروكات باستالعاننان بەرى كارتينا 3 ملرد تەڭگە جينادى، بۇل الدىڭعى اپتامەن سالىستىرعاندا 49%-عا از. بۇل دەرەكتەردى ماركەتينگتىك دەرەكتەردى ولشەۋ جانە تالداۋمەن اينالىساتىن حالىقارالىق Comscore كومپانياسى ۇسىندى.
ەكىنشى ورىندى وتاندىق «بولعان وقيعا 2» ءفيلمى يەلەندى — دەمالىس كۇندەرىندە 135،5 ملن تەڭگە جينادى. ۇزدىك ۇشتىكتى «وديسسەيا» تۇيىندەدى: پروكاتتىڭ بەسىنشى اپتاسىندا ول 131،8 ملن تەڭگە جيناسا، جالپى جيناعى 2،6 ملرد تەڭگەگە جەتتى.
«موانا» ءۇشىنشى ورىننان تورتىنشىگە ءتۇسىپ، دەمالىس كۇندەرىندە 59 ملن تەڭگە، ال بۇكىل پروكات كەزەڭىندە 234 ملن تەڭگە جينادى. بەسىنشى ورىندا دەبيۋت جاساعان ەنن حەتەۋەي ويناعان «نا كرايۋ وۋك-ستريت» گولليۆۋدتىق ءفيلمى 58،1 ملن تەڭگە تابىس اكەلدى.
بۇعان دەيىن Kursiv LifeStyle قازاقستاندىق اكتريسانىڭ الەمدىك ءورىستىلدى پروكاتتا موانانىڭ اندەرىن ورىنداعانىن حابارلاعان بولاتىن.