الەۋمەتتىك جەلىلەردە قازاقستاندىقتار تانىمال رەسەيلىك ەكى ستريمەر — Fasoollka مەن kae4ka-نىڭ قازاقستان مەن قازاق حالقىنا قاتىستى قورلايتىن سوزدەرىنە نارازىلىق بىلدىرۋدە. پايدالانۋشىلار بلوگەرلەردى ۇلتارالىق الاۋىزدىقتى قوزدىردى دەپ ايىپتاپ، ولاردى جاۋاپقا تارتۋدى تالاپ ەتۋدە، دەپ حابارلايدى infohub.kz سايتى.
جۋىردا Threads الەۋمەتتىك جەلىسىندە kae4ka ەسىمدى ستريمەردىڭ قازاقتارعا قاتىستى قورلايتىن سوزدەر ايتىپ، ولاردىڭ ورىس تىلىندە سويلەمەيتىنىنە مەنسىنبەي قاراعان ۆيدەو تارادى. «ورىس ءتىلىن تۇسىنبەيتىن ساسىق قازاقتار»، — دەدى قىز.
بۇل جاريالانىم قازاقستاندىقتار اراسىندا نارازىلىق تولقىنىن تۋدىردى: ولار ينفليۋەنسەردى بويكوتتاۋعا، ونىڭ اككاۋنتىنا جاپپاي شاعىم جىبەرۋگە جانە ونى ق ر قك-نىڭ 174-بابى (الەۋمەتتىك، ۇلتتىق، ەتنوستىق، ناسىلدىك نەمەسە ءدىني الاۋىزدىقتى قوزدىرۋ) بويىنشا جاۋاپقا تارتۋعا شاقىرادى.
«ورىس حالقىنىڭ وكىلى رەتىندە مەن وعان ۇقسايتىندار ءۇشىن وتە ۇيالامىن... مەن ونى ادام دەپ تە اتاي المايمىن، مۇندايلاردىڭ باسىندا نە بولىپ جاتقانىن ەلەستەتۋ قورقىنىشتى»، — دەپ جازدى evalutioonn ەسىمدى قولدانۋشى.
«جىگىتتەر، تەك رەپورت جاساپ، ۇلتارالىق الاۋىزدىقتى قوزدىرعانى ءۇشىن ارىز جازۋ كەرەك»، — دەپ قوستى hialeena اۆتورى.
باسقا پايدالانۋشىلار بۇل جازبا بەس جىلدان استام ۋاقىت بۇرىن جاسالعانىن اتاپ ءوتتى. سول كەزدە ستريمەر ءجاسوسپىرىم بولعان جانە ولاردىڭ ايتۋىنشا، اۋىر ەموسيونالدىق كۇيدە بولعان.
«قانداي اقىماقتىق. بەس جىل بۇرىن بولعان جاعدايدى قوزعاۋ، ول ءۇشىن، ايتپاقشى، كايا ءوز ستريمدەرىندە بىرنەشە رەت كەشىرىم سۇرادى»، — دەپ ءتۇسىندىردى lirika1003 قولدانۋشىسى.
سونىمەن قاتار، بلوگەردىڭ سوزدەرىن جۇرەككە جاقىن قابىلداماۋعا جانە ولارعا بايىپپەن قاراماۋعا شاقىرعاندار دا تابىلدى.
تاعى ءبىر ستريمەر Fasoollka ەلگە كەلگەندە الماتى ورتالىعىندا كيىز ۇيلەر مەن ات ۇستىندەگى ادامداردى كورەمىن دەپ كۇتكەنىن مويىندادى. سونداي-اق بلوگەر قازاقستان مەن پاكىستان اراسىنداعى ايىرماشىلىقتى كورمەيتىنىن ايتىپ، ەلدى «شترافستان» دەپ اتاعان.
«ال، شترافستانەس، تەمەكى شەگەمىز بە؟»، «پاۆلودار — بۇل قازاقستان با؟ جوق، پاۆلودار بىزدىكى (رەسەيلىك. — رەد.). ول بىزدىكى بولىپ ەستىلەدى، ول قازاقستاندىق بولا المايدى. نەگە پاۆلوستان ەمەس؟»، «الماتىعا ءبىر Starbucks جەتەدى شىعار؟»، «ايتشى، سەندەردە قىز نەشە جاستان نەليكۆيد بولادى؟ 13-تەن باستاپ پا؟» — دەدى ول.
قازاقستاندىقتار پوستتاردىڭ استىندا قىزعا قاتىستى شارا قولدانۋدى دا تالاپ ەتۋدە. كەيبىر پايدالانۋشىلار ول بىرنەشە قىلمىستىق باپتى بۇزدى دەپ ەسەپتەسە، باسقالارى ءتىپتى پرەزيدەنت اتىنا ارىز جازامىز دەپ قورقىتادى.
«نەگە ونى ءالى دەپورتاسيالاپ، 15 تاۋلىككە وتىرعىزبادى؟» — دەپ سۇرايدى gogocame اۆتورى.
«@polisiakz، @akordapress، @almaty_police_department، @kuis_kz، ال سەندەر نەگە ءوز ازاماتتارىڭدى قورعامايسىڭدار؟ قانداي دا ءبىر ستريمەر قازاقستانعا كەلىپ، وسىلاي تەرىس پىكىر ءبىلدىرىپ جاتىر»، — دەپ moncherriie_ قولدانۋشىسى جاۋاپقا شاقىرادى.
«كۋرسيۆ» بولىپ جاتقان وقيعاعا قاتىستى تۇسىنىكتەمە الۋ ءۇشىن ق ر ىىم-نە جۇگىندى.