3–5 قازان ارالىعىندا قازاقستان اۋماعىندا اۋا رايى كۇرت وزگەرەدى: قىركۇيەك سوڭىنداعى جىلى كۇندەردىڭ ورنىنا سۋىق ءارى قولايسىز اۋا رايى ورنايدى، دەپ حابارلايدى infohub.kz سايتى.
NUR.KZ اگەنتتىگى «قازگيدرومەت» رمك-عا سىلتەمە جاساپ حابارلاۋىنشا، اۋا رايىنىڭ وزگەرۋى قۋاتتى سولتۇستىك سيكلوننىڭ وتۋىمەن بايلانىستى.
سينوپتيكتەردىڭ بولجامىنشا، الداعى كۇندەرى جاڭبىر مەن قار تۇرىندەگى جاۋىن-شاشىن ەلدىڭ بارلىق دەرلىك وڭىرىندە جاۋادى. ەلدىڭ سولتۇستىگىندە كەزەڭ سوڭىندا تۇنگى ۋاقىتتا قار، كوكتايعاق جانە تومەنگى بۇرقاسىن كۇتىلەدى. تەك وڭتۇستىك پەن شىعىستا عانا جاڭبىر جاۋادى. باتىستا جانە سولتۇستىكتە تۇنگى جانە تاڭعى ۋاقىتتا تۇمان بولادى. رەسپۋبليكا بويىنشا جەل كۇشەيەدى.
قازاقستان وڭىرلەرىندەگى اۋا تەمپەراتۋراسى بىلايشا بولجانادى: ەلدىڭ سولتۇستىك جارتىسىندا تۇندە -1-6°س-قا دەيىن تومەندەيدى؛ كۇندىزگى ۋاقىتتا سولتۇستىك-باتىستا، سولتۇستىكتە جانە ەلدىڭ ورتالىعىندا 0،+5°س-قا دەيىن تومەندەيدى؛ شىعىستا +7+12°س بولادى؛ وڭتۇستىكتە جانە وڭتۇستىك-شىعىستا — +10+15°س-قا دەيىن؛ تاۋلى اۋدانداردا — 0،+5°س؛ ەلدىڭ باتىسىندا +10+18°س-قا دەيىن كوتەرىلەدى.