قازاقستان ايەلدەر ۆولەيبول قۇراماسى قىتايدىڭ تيانسزين قالاسىندا ءوتىپ جاتقان ازيا چەمپيوناتىندا سەنىمدى باستادى. توپتىق كەزەڭنىڭ ەكىنشى تۋرىندا قازاقستاندىق سپورتشىلار اۆستراليا قۇراماسىمەن كەزدەسىپ، 3:0 (25:21، 25:18، 25:21) ەسەبىمەن جەڭىسكە جەتتى، دەپ حابارلايدى infohub.kz.
باس باپكەر اسقار شالقىبەكوۆتىڭ جەتەكشىلىگىمەن ۇلتتىق قۇراما ۇيلەسىمدى ويىن كورسەتىپ، قارسىلاستارىنا مۇمكىندىك قالدىرمادى. قازاقستان قۇراماسى ساپىندا تاعى دا ۇزدىك ويىنشى اتانىپ، 20 ۇپاي جيناعان ويىنشى تاتيانا نيكيتينا ءوزىنىڭ جوعارى دەڭگەيىن راستادى.
ەكى تۋردان كەيىن قازاقستاندىق ۆولەيبولشىلاردىڭ ەنشىسىندە ءۇش ۇپاي بار. تايلاند پەن يندونەزيا قۇرامالارى دا سونشا ۇپاي جيناپ، ولارعا ەكىنشى تۋردىڭ ويىنى الدا. اۆستراليالىقتار ازىرگە ۆ توبىندا ۇپايسىز سوڭعى ورىندا تۇر.
شيرەك فينالعا تورتتىكتىڭ ەكى ۇزدىك كومانداسى شىعادى. ءۇشىنشى ورىن العان قۇراما پلەي-وففقا شىعۋ مۇمكىندىگىن ساقتايدى. توپتىق كەزەڭنىڭ سوڭعى تۋرىندا قازاقستاندىق كوماندا تايلاند قۇراماسىمەن كەزدەسەدى. ماچ 25 تامىزدا استانا ۋاقىتىمەن 07:00-دە وتەدى.