جاپونيادا ءوتىپ جاتقان ازيادا-2026 ويىندارىندا قازاقستاننىڭ ەرلەر قۇراماسى سابليادان فەحتوۆانيەدەن پەدەستالعا كوتەرىلدى، دەپ حابارلايدى infohub.kz سايتى.
كوماندالىق تۋرنيردە ەل نامىسىن ءارتوم ساركيسيان، نازارباي ساتتارحان، نۇرمۇحاممەد جايلىباي جانە قۋانىش ەرعاشباي قورعادى. 1/8 فينالدا قازاقستاندىق سابلياشىلار ساۋد ارابياسىن 45:32 ەسەبىمەن ۇتتى، كەلەسى كەزەڭدە قىتايدان 45:40 ەسەبىمەن باسىم ءتۇستى.
جارتىلاي فينالدا قازاقستاندىقتاردىڭ قارسىلاسى جاپونيا قۇراماسى بولدى، ول 45:34 ەسەبىمەن باسىم ءتۇستى. ەرەجە بويىنشا ءۇشىنشى ورىن ءۇشىن جەكپە-جەك قاراستىرىلماعاندىقتان، قازاقستان كومانداسى گونكونگ سياقتى قولا مەدالعا قول جەتكىزدى.
ۇلتتىق قۇراما ءۇشىن بۇل ازيادا-2026-دا فەحتوۆانيەدەن ءتورتىنشى جۇلدە. بۇعان دەيىن جەكە تۋرنيرلەردە ساركيسيان قولا، ال شپاگاشى كيريلل پروحودوۆ كۇمىس العان. كوماندالىق سايىستا شپاگاشى ايەلدەر قۇراماسى قولا جۇلدەگە قول جەتكىزدى.
وتكەن ازيادادا حانچجوۋ-2022-دە سابلياشىلار دا پەدەستالعا كوتەرىلگەن. وندا كوماندالىق تۋرنيردە قولانى ساركيسيان، ساتتارحان، جانات نابييەۆ جانە مۇحامەدالي راحمانالي جەڭىپ العان.
سونداي-اق سەنبىدە راپيراشى ايەلدەر سايىسى ءوتتى. سوفيا اقتاەۆا، ءالونا گنوەۆايا جانە الينا يسكاندەروۆادان قۇرالعان قازاقستان قۇراماسى قىتايدان 36:40 ەسەبىمەن جەڭىلىپ، شيرەك فينالدا جارىستان شىعىپ قالدى.