قازاقستان قۇراماسى 2026 جىلعى ازيا ويىندارىندا ءبىر جارىس كۇنىندە الەمدىك رەكورد ورناتىپ، بەس مەدال جەڭىپ الدى. الايدا دۇيسەنبى كۇنى قازاقستاندىق سپورتشىلارعا التىن جۇلدە بۇيىرمادى، دەپ حابارلايدى infohub.kz سايتى.
ازيادا-2026-نىڭ كەزەكتى كۇنىنىڭ قورىتىندىسى بويىنشا وزبەكستان قۇراماسى جالپى ەسەپتە ءتورتىنشى ورىن ءۇشىن كۇرەستە قازاقستاننان ايىرماسىن ۇلعايتتى.
سونىمەن قاتار ياسمينا توقسانباەۆانىڭ ديسكۆاليفيكاسياسى رەسمي تۇردە بەكىتىلدى. وسىنىڭ سالدارىنان جەڭىل اتلەت مارافوندىق قاشىقتىقتاعى سپورتتىق جۇرىستە جۇلدەسىز قالدى — ول بۇل سايىستا ءبىرىنشى بولىپ مارەگە جەتكەن ەدى.
28 قىركۇيەكتە قازاقستاننىڭ اۋىر اتلەتيكا قۇراماسى ەكى كۇمىس مەدال جەڭىپ الدى. ونىڭ ۇستىنە الەكسەي چۋركين (85 كەلىگە دەيىن) جۇلقي كوتەرۋدە الەمدىك رەكورد ورناتتى. تاعى ءبىر جۇلدەگەر — نۇرعيسا ادىلەت ۇلى (95 كەلىگە دەيىن).
400 مەترگە كەدەرگىلەرمەن جۇگىرۋدە ازيادانىڭ كۇمىسىن ادەلينا زەمس الدى. سينحروندى جۇزۋدە قازاقستان قۇراماسى كوماندالىق تۋرنيردە قولا جۇلدەگە قول جەتكىزدى. ءدال وسىنداي جۇلدەنى كۋراش كۇرەسىنەن ادىلەت احمەتعالي (81 كەلىگە دەيىن) يەلەندى.
قازاقستان قۇراماسى جالپى ەسەپتە بەسىنشى ورىندا قالىپ، كۇمىس مەدالدارىنىڭ كوپتىگىنىڭ ارقاسىندا تايلاندتان وزىپ تۇر. ءتورتىنشى ورىندى دۇيسەنبىدە ەكى التىن العان وزبەكستان قۇراماسى بەكىتتى.