قازاقستاندىق ەسكەكشىلەر ۆلاديسلاۆ ياكوۆليەۆ پەن يۆان چەرنۋحين ازيات ويىندارى-2026-نىڭ ەرلەر اراسىنداعى جۇپ ەسكەكتى قايىقتار سايىسىندا چەمپيون اتاندى. فينالدىق جارىستا ولار قاشىقتىقتى 6 مينۋت 25،13 سەكۋندتا ءجۇزىپ ءوتتى، دەپ حابارلايدى infohub.kz سايتى.
قازاقستاندىق ەكيپاج ەڭ جاقىن قارسىلاستارى — جۇڭگو سپورتشىلارىنان 2،09 سەكۋندقا وزىق ءتۇستى. ساو چۋان مەن يان مەنشۋاي مارەگە 6:27،22 ناتيجەسىمەن جەتتى.
قولا مەدالدى وزبەكستان وكىلدەرى ماكسيم گولۋبيەۆ پەن اليشەر تۋردييەۆ جەڭىپ الدى – 6:32،34. ولار قازاقستاندىقتاردان 7،21 سەكۋندقا قالىپ قويدى.
ازيات ويىندارى-2026
24 قىركۇيەك. اكادەميالىق ەسكەك ەسۋ. ەرلەر اراسىنداعى جۇپ ەسكەكتى قايىقتار. فينال
🥇 1. ۆلاديسلاۆ ياكوۆليەۆ / يۆان چەرنۋحين (قازاقستان) – 6:25.13
🥈 2. ساو چۋان / يان مەنشۋاي (جۇڭگو) – 6:27.22
🥉 3. ماكسيم گولۋبيەۆ / اليشەر تۋردييەۆ (وزبەكستان) – 6:32.34
بۇل التىن قۇرامامىزدىڭ ويىندار-2026-داعى سەگىزىنشى التىنى بولدى.
جاپونياداعى XX جازعى ازيات ويىندارى 19 قىركۇيەكتە رەسمي تۇردە اشىلدى. 45 ەلدىڭ سپورتشىلارى قاتىساتىن جارىستاردا 460 مەدال جيىنتىعى ساراپقا سالىنۋدا. ازيادا-2026-دا قازاقستان قۇراماسىنىڭ قۇرامىندا 35 سپورت تۇرىنەن 558 سپورتشى ونەر كورسەتۋدە.
ازيادا-2026 شولۋلارى: 1-كۇن، 2-كۇن، 3-كۇن، 4-كۇن.