قازاقستان فۋتبول فەدەراسياسى نيدەرلاندتىق مامان دجون ۆان’ت سكيپپەن ۇلتتىق قۇرامانىڭ باس جاتتىقتىرۋشىسى بولۋى تۋرالى كەلىسىمگە كەلدى، دەپ حابارلايدى infohub.kz سايتى.
تاعايىنداۋ رەسمي تۇردە فەدەراسيا جارعىسىنا سايكەس قفف اتقارۋ كوميتەتىمەن كەلىسىلگەننەن كەيىن جۇزەگە اسىرىلادى. كوميتەت وتىرىسى جاقىن كۇندەرى وتەدى، سودان كەيىن جاتتىقتىرۋشىمەن كەلىسىمشارتقا قول قويىلادى.
فۋتبولشى رەتىندە ۆان’ت سكيپ امستەردامدىق «اياكستا» جانە يتاليالىق «دجەنوادا» وينادى، سونداي-اق نيدەرلاند ۇلتتىق قۇراماسىنىڭ نامىسىن قورعادى، ونىڭ قۇرامىندا 1988 جىلعى ەۋروپا چەمپيونى اتاندى.
ۆان’ت سكيپ جاتتىقتىرۋشىلىق مانسابىن «اياكس» جۇيەسىندە باستادى. ءار جىلدارى ول امستەردامدىق كلۋبتى، سونداي-اق «تۆەنتە»، «زۆوللە»، مەكسيكالىق «گۆادالاحارا» جانە اۆستراليالىق «مەلبۋرن سيتي» كوماندالارىن باسقاردى. 2016 جىلى «مەلبۋرن سيتي» ساپىندا مامان اۆستراليا كۋبوگىن جەڭىپ الدى.
حالىقارالىق دەڭگەيدە ۆان’ت سكيپ گرەكيا مەن ارمەنيا قۇرامالارىن جاتتىقتىردى.
قازاقستان قۇراماسىنىڭ جاتتىقتىرۋشىلار شتابىنا نۇربول جۇماسقالييەۆ (اسسيستەنت)، ەلدوس احمەتوۆ (اسسيستەنت)، يۋري نوۆيكوۆ (قاقپاشىلار باپكەرى)، ۆاديم بوروۆسكي (دەنە شىنىقتىرۋ جاتتىقتىرۋشىسى) جانە تيمۋر قۇسايىنوۆ (اناليتيك) كىرەدى.