قازاقستاننىڭ ەرلەر ۆولەيبول قۇراماسى يسلامابادتا ءوتىپ جاتقان 2026 جىلعى ورتالىق ازيا چەمپيوناتىندا (CAVA) العاش رەت جەڭىلىسكە ۇشىرادى، دەپ حابارلايدى infohub.kz سايتى.
پاكىستاندا ءوتىپ جاتقان جارىستىڭ ەكىنشى تۋرىندا سەرگەي تريكوز جاتتىقتىراتىن كوماندا وزبەكستان قۇراماسىمەن كەزدەستى. ويىن بەس سەتكە سوزىلىپ، قازاقستاندىقتار 2:3 (25:19، 22:25، 29:27، 24:26، 14:16) ەسەبىمەن جەڭىلدى.
بۇل ۇلتتىق قۇرامانىڭ تۋرنيردەگى العاشقى جەڭىلىسى. العاشقى ماچتا قازاقستاندىقتار سول ەسەپپەن نەپال قۇراماسىن جەڭگەن بولاتىن.
كەلەسى كەزدەسۋدە ۇلتتىق قۇراما 24 شىلدەدە بانگلادەش ۆولەيبولشىلارىمەن وينايدى. ورتالىق ازيا چەمپيوناتىنا بارلىعى التى كوماندا قاتىسادى: ونىڭ ىشىندە پاكىستان مەن شري-لانكا دا بار. بارلىق كوماندالار بىر-بىرىمەن ءبىر رەتتەن وينايدى. اينالىمدىق تۋرنير قورىتىندىسى بويىنشا چەمپيون مەن جۇلدەگەرلەر انىقتالادى.