2026 جىلدان باستاپ قازاقستاندىق مەكتەپتەردە وقۋشىلاردىڭ ءبىلىمىن باعالاۋ ءتاسىلى وزگەرەدى. وقۋ-اعارتۋ مينيسترلىگى باستاۋىش سىنىپتارداعى ءداستۇرلى بجب مەن تجب-دان باس تارتۋدى كوزدەيتىن بۇيرىق جوباسىن ازىرلەدى. قۇجات «اشىق نقا» پورتالىندا قوعامدىق تالقىلاۋعا ۇسىنىلدى، دەپ حابارلايدى infohub.kz سايتى.
جوباعا سايكەس، 2–4 سىنىپ وقۋشىلارى ءۇشىن ءبولىم مەن توقسان بويىنشا جيىنتىق باعالاۋدىڭ ورنىنا قالىپتاستىرۋشى باعالاۋ، سونداي-اق تاقىرىپتىق جانە قورىتىندى باقىلاۋ جۇمىستارى ەنگىزىلەدى. بۇل وقۋشىلاردىڭ ۇلگەرىمىن نەعۇرلىم يكەمدى باعالاۋعا جانە سترەسستىك جۇكتەمەنى ازايتۋعا مۇمكىندىك بەرەدى.
5–11 (12) سىنىپ وقۋشىلارى ءۇشىن ادەتتەگى جۇيە ساقتالادى: ءبىلىم ساباقتاعى كۇندەلىكتى جۇمىس جانە جيىنتىق باعالاۋ (بجب مەن تجب) ارقىلى تەكسەرىلەدى. قۇجاتتا توقساندىق باعالار باعالاۋ ناتيجەلەرىنىڭ نەگىزىندە قويىلاتىنى اتاپ كورسەتىلگەن، بۇل وقۋ جەتىستىكتەرىن باعالاۋدىڭ وبەكتيۆتىلىگىن قامتاماسىز ەتەدى.
وقۋ-اعارتۋ مينيسترلىگى جاڭا ەرەجەلەر باعالاۋ جۇيەسىن نەعۇرلىم اشىق ءارى وبەكتيۆتى ەتەدى دەپ ەسەپتەيدى. بۇيرىق جوباسى 2026 جىلدىڭ 21 تامىزىنا دەيىن تالقىلاۋدا بولادى.
بۇعان دەيىن ۆەدومستۆو باسشىسى جۇلدىز سۇلەيمەنوۆا قولدانىستاعى ادىستەمەلەردىڭ كەمشىلىكتەرىن مويىنداپ، ادەتتەگى باقىلاۋ جۇمىستارىن كوبىرەك ەنگىزەتىنىن ايتقان بولاتىن. سونداي-اق دەپۋتاتتار مەكتەپتەردە بجب مەن تجب-نى ەنگىزگەندەردى جاۋاپقا شاقىرعانى حابارلانعان.