شىعىس قازاقستان وبلىسىندا جىل باسىنان بەرى 450 ادام قازاقستان ازاماتتىعىنان ايىرىلعانى تىركەلدى. ولاردىڭ كوپشىلىگى كورشى مەملەكەتتىڭ ازاماتتىعىن قابىلداعان، دەپ حابارلايدى infohub.kz.
سولاردىڭ 24ء-ى بەلگىلەنگەن مەرزىمدە شەتەل ازاماتتىعىن العانىن حابارلاماعان، ال 7-ەۋى ازاماتتىقتان ايىرىلعاننان كەيىن قازاقستان قۇجاتتارىن پايدالانعان. سوت شەشىمىمەن 6 شەتەلدىك ەلدەن شىعارىلدى.
شىعىس قازاقستان وبلىسى پوليسيا دەپارتامەنتى ەسكەرتكەندەي: «باسقا مەملەكەتتىڭ ازاماتتىعىن العان ادامدار 30 كۇن ىشىندە ىشكى ىستەر ورگاندارىنا حابارلاۋعا جانە قازاقستان رەسپۋبليكاسىنىڭ ازاماتتىعىن راستايتىن قۇجاتتاردى تاپسىرۋعا مىندەتتى. بۇل تالاپتاردى بۇزعانى ءۇشىن اكىمشىلىك جاۋاپكەرشىلىك قاراستىرىلعان».
بۇعان دەيىن شەتتەتىلگەن شەتەلدىك قازاقستاندا قايتادان ۇستالدى.