قازاقستاندىق شپاگاشى كيريلل پروحودوۆ گونكونگتا ءوتىپ جاتقان سەمسەرلەسۋدەن الەم چەمپيوناتىندا ۇزدىك ون التىلىققا ەندى، دەپ حابارلايدى infohub.kz.
بەسىنشى جارىس كۇنى جەكە سىندا مەدال ءۇشىن ايەلدەر سابليا كومانداسىنىڭ مۇشەلەرى مەن قازاقستاندىق شپاگاشىلار كۇرەستى. ەرلەر شپاگا كومانداسىنان 19 جاستاعى كيريلل پروحودوۆ ەڭ الىسقا ءوتتى. سەگىز ۇزدىكتىڭ قاتارىنا ەنۋ ءۇشىن قازاقستاندىق سپورتشى ارەكەتتەگى ازيا چەمپيونى جاپونيالىق ماسارۋ ياماداعا قارسى شىقتى. پروحودوۆ تاباندى كۇرەستە 11:15 ەسەبىمەن جەڭىلىپ، 2026 جىلعى الەم چەمپيوناتىندا 16 ۇزدىكتىڭ قاتارىندا ونەرىن اياقتادى.
جەكە سىندا رۋسلان قۇربانوۆ، ەرلىك سەرتاي جانە ۆاديم شارلايموۆ تا ونەرلەرىن اياقتادى. ايەلدەر سابلياسىندا جارىس باسىندا ايگەرىم سارىباي، كارينا دوسپاي جانە اناستاسيا گۋليك جەڭىلىسكە ۇشىرادى. شپاگاشىلار مەن سابلياشىلار كوماندالىق تۋرنيردە دە مەدال ءۇشىن كۇش سىناسادى. الەم بىرىنشىلىگىنىڭ كوماندالىق جارىسى 30 شىلدەگە دەيىن جالعاسادى.