قازاقستاندا ءبىلىم گرانتتارىنا 127 مىڭنان استام تالاپكەر ءوتىنىم بەردى، بۇل وتكەن جىلمەن سالىستىرعاندا 14 مىڭعا ارتىق. بۇل تۋرالى infohub.kz حابارلايدى.
عىلىم جانە جوعارى ءبىلىم مينيسترلىگىنىڭ مالىمەتىنشە، باكالاۆرياتقا 75 مىڭنان استام گرانت بولىنگەن. ونىڭ 60 پايىزى ينجەنەرلىك باعىتتارعا، 20 پايىزى پەداگوگيكالىق ماماندىقتارعا تيەسىلى، قالعان 20 پايىزى ەڭبەك نارىعىنىڭ قاجەتتىلىكتەرى ەسكەرىلە وتىرىپ، باسقا سالالارعا بولىنگەن.
بىرنەشە جىل قاتارىنان ەڭ سۇرانىسقا يە باعىتتار – ينجەنەرلىك، وڭدەۋ جانە قۇرىلىس سالالارى، پەداگوگيكا عىلىمدارى، سونداي-اق اقپاراتتىق-كوممۋنيكاسيالىق تەحنولوگيالار.
ءبىر گرانت ورنىنا ەڭ جوعارى كونكۋرس بولاشاق اۋدارماشىلار، ديپلوماتتار، زاڭگەرلەر، پسيحولوگتار جانە مۇعالىمدەر اراسىندا كۇتىلۋدە.