قازاقستاننىڭ ءۇشىنشى راكەتكاسى تيموفەي سكاتوۆ پورتۋگاليالىق ەشتوريلدەگى ATP 250 توپىراق كورتىنداعى تۋرنيردەگى ونەرىن اياقتادى، دەپ حابارلايدى infohub.kz سايتى.
الەمدىك رەيتينگتە 163ء-شى ورىندا تۇرعان سپورتشى نەگىزگى تورعا «باقىتتى جەڭىلۋشى» رەتىندە ىلىككەن. ەكىنشى اينالىمدا ونىڭ قارسىلاسى رەسەيلىك اندرەي ءرۋبلوۆ بولدى — الەمنىڭ 14ء-شى راكەتكاسى جانە ءتۋرنيردىڭ ءبىرىنشى ءنومىرلى ويىنشىسى.
ماچ نەبارى ءبىر ساعاتقا سوزىلىپ، سكاتوۆتىڭ ويسىراي جەڭىلۋىمەن اياقتالدى — 1:6، 1:6. قازاقستاندىق ويىن بارىسىندا ءبىر ەيس جاسادى، ءتورت قوس قاتە جىبەردى جانە ەكى برەيك-پوينتتىڭ بىرەۋىن ىسكە اسىردى.
وسىلايشا، سكاتوۆ ەشتوريلدەگى جارىستان شىعىپ قالدى. ءرۋبلوۆ شيرەك فينالدا فرانسۋز ليۋكا ۆان اشپەن وينايدى.