جاپونيادا ءوتىپ جاتقان 2026 جىلعى حح جازعى ازيا ويىندارىندا ەرلەر اراسىنداعى ترەك ۆەلوسپورتىنان قازاقستان قۇراماسى تۇعىردان ءبىر قادام قالعاندا توقتادى. كوماندالىق قۋعىنداۋ جارىسىندا يليا كارابۋتوۆ، ماكسيم حوروشاۆين، راميس دىنمۇحامەتوۆ جانە دميتري نوسكوۆ قۇرامىنداعى كۆارتەت قولا جۇلدە ءۇشىن وڭتۇستىك كورەيا قارسىلاستارىنا جول بەرىپ، ءتورتىنشى ورىنمەن مارەگە كەلدى، دەپ حابارلايدى infohub.kz سايتى.
قازاقستاندىقتار قاشىقتىقتىڭ باسىم بولىگىندە الدا كەلە جاتتى، الايدا سوڭعى 500 مەتردە باسىمدىقتان ايىرىلدى. ءتورت شاقىرىمدى ولار 3 مينۋت 58،718 سەكۋندتا ءجۇرىپ ءوتىپ، وڭتۇستىككورەيالىق كوماندادان 2،785 سەكۋندقا قالىپ قويدى.
كوماندالىق قۋعىنداۋ جارىسىندا التىندى ازيا رەكوردىن جاڭارتقان جۇڭگو قۇراماسى جەڭىپ الدى — 3:47،621. كۇمىس جۇلدە ترەك يەلەرى — جاپوندىقتارعا 3:49،005 ناتيجەسىمەن بۇيىردى.
سول كۇنى قازاقستاندىق شاباندوزدار ەرلەر اراسىنداعى جەكە سپرينتتە دە سىنعا ءتۇستى. كيريلل كۋرديدي ىرىكتەۋدەن سەنىمدى ءوتىپ، شيرەك فينالعا جەتتى — بۇل كەزەڭنىڭ زاەزدەرى بەيسەنبىگە جوسپارلانعان. دانيار شاياحمەتوۆ الدىن الا كەزەڭدە 17-ناتيجە كورسەتىپ، نەگىزگى تورعا وتە المادى.