قازاقستاننىڭ U-21 جاستار قۇراماسى ەۋرو-2027 جاستار چەمپيوناتىنىڭ ىرىكتەۋ كەزەڭىندەگى سىرت الاڭداعى ويىندا انگليانىڭ U-21 قۇراماسىنا 2:4 ەسەبىمەن ۇتىلدى. كەزدەسۋ ۆۋلۆەرحەمپتونداعى «مولينە» ستاديونىندا ءوتتى، دەپ حابارلايدى infohub.kz سايتى.
قازاقستاندىقتار اۋتسايدەر سانالعانىمەن، ۆلاديمير چەبۋرين شاكىرتتەرى D توبىنىڭ كوشباسشىسىنا قارسىلىق كورسەتە ءبىلدى.
3-مينۋتتا ارتەم ليتوش بۇرىشتاما دوپتى توعىستىرىپ، قازاقستاندى سەنساسيالىق تۇردە العا شىعاردى — 0:1.
27-مينۋتتا قاتار قاتەلىكتەردەن كەيىن قوناقتاردىڭ قورعاۋشىسى الي تۋرگانوۆ دوپتى ءوز قاقپاسىنا كەسىپ جىبەرىپ، ەسەپتى تەڭەستىردى — 1:1.
32-مينۋتتا دجوش اچيمپونگ الىستان سوققىمەن اعىلشىنداردى قايتادان العا شىعاردى — 2:1.
الايدا 43-مينۋتتا سەيف پوپوۆ تاياۋدان ءدال سوققىمەن ءبىرىنشى تايم بىتەر الدىندا ەسەپتى تەڭەستىردى — 2:2.
60-مينۋتتا ماكس اللەين قوجايىنداردى قايتادان العا شىعاردى — 3:2.
قورىتىندى ەسەپتى 90+1-مينۋتتا ۋيليام لانكشير بەلگىلەدى، ول انگليانىڭ ويىن سوڭىنداعى باسىمدىعىن پايدالانىپ، دوپتى قاقپاعا ءدال باعىتتادى — 4:2.
وسى تۋردىڭ قورىتىندىسى بويىنشا قازاقستان قۇراماسى 4 ۇپايمەن D توبىندا سوڭعى ورىندا قالدى.
29 قىركۇيەكتە چەبۋرين كومانداسى سىرت الاڭدا يرلاندياعا قارسى ويىن وتكىزەدى.
بۇعان دەيىن «كۋرسيۆ» حابارلاعانداي، ناۋرىزدا قازاقستاننىڭ جاستار قۇراماسى تۇركىستاندا ىرىكتەۋدىڭ ەكى ءۇي ويىنىن وتكىزگەن بولاتىن. چەبۋرين باسقارعان كوماندا ءبىرىنشى ويىندا سلوۆاكياعا 1:3 ەسەبىمەن جول بەردى. قوجايىنداردىڭ جالعىز گولىن ماعجان توقتىباي سوقتى.
ءتورت كۇننەن كەيىن قازاقستان يرلاندياعا مينيمالدى ەسەپپەن ۇتىلدى — 0:1. شەشۋشى دوپ 89-مينۋتتا سوعىلدى. وسى جەڭىلىستەن كەيىن قازاقستاندىق جاستار ەۋرو-2027 فينالدىق كەزەڭىنە شىعۋ مۇمكىندىگىنەن ماتەماتيكالىق تۇرعىدان ايىرىلدى. جەتى ويىننان كەيىن كوماندانىڭ ەنشىسىندە ءتورت ۇپاي بار.
جاستار اراسىنداعى ەۋروپا چەمپيوناتىنىڭ فينالدىق ءتۋرنيرى 2027 جىلدىڭ جازىندا البانيا مەن سەربيادا وتەدى.